Vložit
- čas přidán 3. 06. 2022
- #MM #700萬種生活 // 90後前化妝師不握眉筆改拿電炮 為移民轉行成水電技工
彌漫著灰塵的工程單位內，一個嬌小的背影正拿著呈鋸齒狀的磨機沿預先畫好的線位切入牆身，磨機與她的手臂一般粗，這個步驟俗稱「𠝹坑」，作用是割出牆上需要鋪電喉的位置，磨機鋸齒切入牆身隨即傳來一陣高吭刺耳的噪音再揚起大量灰塵，之後她再換上笨重的電炮，鑿向被磨機切出空隙的牆身，再揚起幾陣灰塵，鑿出了一個顛倒的「L」形坑洞，徒手像扭氣球一樣將膠管扭成能藏到坑內的形狀再接駁好電喉電線，Nijoles終於做好了一個電掣。「700萬種生活，我的生活就是原本駁不通的地方都會駁通。」水電工Nijoles道。
█ 反對無效的Nijoles
「我以前是一個MK妹來的，有唇環、鼻環、舌環，我家人是很反對我做這些事的，他們以前很討厭紋身的，我就全部都先斬後奏先做了，『你吹得我脹』，去澳洲工作假期父母亦是完全不知道，臨出發前才知道。當我決定做水電的時候爸爸都反對的，他都說電無色無味很容易電死人。」Nijoles一連串地說出了以前（相信不是全部）家人反對她做的事，而當中最反對的相信就是近30歲的時候轉行從事水電技工，成為她爸爸與哥哥的同行，因為爸爸是有40年經驗的水電師傅，所以很明白工作的危險性及體力要求，「他睇死我做唔到我就一定要做到。」於是就在社交媒體上尋找願意聘請她的公司，正式入行成為水電學徒，現時的她已是懂得繪電路圖、可以在地盤內獨立工作的「中工」，並開了自己的公司，有時會找哥哥與爸爸一同幫忙工作。
Nijoles的「我的志願」一直都很踏實，中學時因為烹飪科得到老師讚賞而希望成為廚師，會考成績只有2分後就在16歲時入行當廚師，台式鐵板燒及西餐的廚師都從事過，「算是已經完成了我的夢想。」在18歲的時候她姐姐邀請她做化妝模特兒，於是就對化妝產生興趣，修讀化妝課程並以化妝師作志業，後來一直到了約23歲的時候到澳洲工作假期的時候，主要都是以特技、模特兒及婚姻化妝的職業為生。「（3年後）回來香港那種生活是比以前，我覺得更加難受的，因為一直以來都覺得香港的生活很急促，覺得很不舒服有種無形的壓力，於是很想回澳洲。」於是她就看看澳洲的技術移民清單，發現水電工是連續3年都沒有被減少配額的工作，「可能因為家人的影響，我本來都對水電有興趣。」上年澳洲技術移民配額最多的10大職業中，電工就排第四有過8,000個配額，並且普遍薪金不錯，英國的電工平均年薪大概有36萬港元，有BNO的Nijoles最便宜的移民方法就是去英國，但因為英國不承認香港電牌，所以去到英國就要再讀書考牌。這次Nijoles的「我的志願」變成水電技工，「我會以這個職業為終身職業。」Nijoles帶點決心地道。
█ 一家五口三個水電工
先簡單解釋水電工的工作，以家居裝修為例，通常都要經過清拆工、水電工、泥水工、木工、油漆工、冷氣工、清潔工7個工作次序，而水電工可以說是裝修的先鋒隊，水電是清拆工完成清拆工程後最先上場的技工，負責鋪水喉電喉、煤氣喉等等，如果沒有水電工是上場的話，其他投工就連用電、用水甚至用廁所都有困難，因為以上幾點都是由水電工負責。Nijoles的哥哥Ricky剛剛走進工程的單位內，就先裝好了Nijoles最怕的屎渠，「沒辦法啦，我急尿呀，既然大家都要用我就快快搞定它。」Nijoles之所以怕屎渠是因為在接駁的時候很容易就會碰到屎水及乾掉的排泄物。每次工作的時候Nijoles都會將自己包裹得非常嚴密，又戴手套又將毛巾攬在頸上，「因為一碰到塵的話我會皮膚敏感，有師傅曾經問我『用不用得著包成這模樣』，我就說『我不會好似你這樣做到
皮膚乾到爛掉龜裂一樣』，他會知道我是女生要保養自己。」從她這樣嚴陣以待，還有藏在手套內別人根本看不到的手指美甲這些細節上，看得出她原本是化妝師愛美的一面，而以前曾用來作化妝袋的粉紅色包包，亦變成裝水電工具的工具袋。
Ricky有20多年的水電經驗，現時不時會與Nijoles一同工作，「不用每次都一同工作，如果冇工開咪一齊餓死。」Ricky笑道，Nijoles與哥哥一同工作的時候有說有笑，一時又會互相揶揄一下。而Nijoles有時遇到工程難題亦會放下面子尋求爸爸的幫忙，「在家的她有時斯文，有時發脾氣，但在地盤工作的時候她是沒有脾氣的。」爸爸盛哥笑道，盛哥在一同工作的時候見到女兒平日在家見不到的一面，雖然一開始反對Nijoles成為水電工，但現時有機會一同工作，又會覺得開心，「（工作時）好似玩耍一樣，可以一起吃飯，大家嘻嘻哈哈差不多時候就去玩，吃完飯回來就再拚過。」盛哥說道因為Nijoles現時已搬離家裡，而兒子Ricky亦已成家立室，所以在地盤見面的機會比在家見面的機會還要多。「雖然知道她打算移民，但女大女世界。」學水電除了令Nijoles由會考只有2分變成有移民生活的可能，還給予她與家人相聚的理由，更帶給她做廚師及化妝師都沒有的另一種滿足感，「做水電的滿足感就是別人覺得你不行的，你竟然做得到，他們會稱讚你，都是一種自豪感，還有因為我真的太嬌小了，平常人還有不認識的師傅都真的會看不起我。」Nijoles感嘆道。
策劃：梁中勝
攝影：張志孟、鄧欣、許先煜
剪接：鄧欣
監製：王秋婷
27歲麻甩女身高155cm入行做搭棚 日薪$800起
• #MM｜27歲身高155cm女搭棚師 日薪$...
#移民 #移民英國 #水電 #水電工 #水電牌
#裝修#工作假期 #英國 #澳洲 #反對無效
#梁中勝 #MM_Sam #MillMILK
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 CZcams APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
值得敬佩，佢有一個明確目標，用努力一步步向呢個目標邁進，希望佢早日成功搵到佢想要嘅生活。
czcams.com/video/f_LE6tGz1U0/video.html
超醒目，在英國做這行，人工分分鐘高過讀完博士學位！
我會考都係2分, 之後讀左基礎文憑, 再讀HD, 再讀PT degree, 今年polyu收左我讀Master, 係崎嶇D, 但唔係無可能, 加油!!
好叻呀你👍🏻
請問你讀边一科？
HD & degree: Building Services, MSc: Facility Management
@@kobewhk 我而家都系VTC讀緊building service, cert 但95%嘅師兄都系行内人，工埸实習對佢地極為容易。我就好大壓力，最叻就系計數，唔知挨唔挨到
@@ngar2010 人地收得你，就係你有能力合格
欣賞Nijoles的毅力和勤奮學習。還有，爸爸和哥哥雖沒說出口，但行動證明他們很疼錫Nijoles。祝她夢想成真！
其實包成這樣才是最正確的保護自己，了解工作安全
同意，不過對鞋就唔合適。
值得尊敬的女性！40多年前我也是個電工。
好特別的提材，支持
開工保護自己永遠都正確。唔好俾人講句“咁驚就咪做丫”就大到
Correct
高質團隊，高質節目
好好的題目，多謝MM 同Nijioles
有目標又堅持
好爸爸，好女兒，好欣賞你哋
年輕人係要有目標嘅，加油💪💪💪
Proud of her. She is fueled with passion.
好嘢👍👍為理想💪💪
多材多藝 的 高質港👩🏻👍🏻
兩父女一齊做嘢好窩心💕
好可愛的電工妹妹❤
Respect
好有正能量，幸福家庭❤️🥰
呢位嘉賓好犀利好努力喔！讚👍
多謝你哋加埋字幕啦！透過字幕今日學到一句新廣東話【火星撞地球】多謝晒～
你真係好好學，係好多香港人嘅channel都見到你留言！
@@chileungyuan8672 多謝您發現我嘅留言啦！
行行出狀元，大家加油
叻女，佩服，支持Nijoles
有目标的生活很棒
一門三傑~ 敬佩!~ 加油努力外國發展!~
好犀利~一個女性能夠有專業技能~~祝福佢成功~~去英國攞到電牌~~
敬佩
唔錯唔錯，睇到佢好有令人有追夢動力，啱啱正在朝HD方向前進，睇到佢都可以，自己都應該OK！
好叻！加油！
加油！我都一樣，會考成績唔代表一切！而家係澳洲做緊木工，我都好細粒。💪
多謝分享
同感❤
好勁！
good job，努力加油👍
每個人都有自己既理想
理想同媽寶 可能只可以二揀一
牙Sam「女中豪傑」系列👍🏼👍🏼
真係好令人佩服，我都係做呢行，依家好多人都唔願意做同冇心學，見佢一個女仔手勢動作真係好過好多靚仔
好欣賞Nijoles的毅力！建築行業真係需要變得比較包容（inclusive）同埋 diverse。
好勁呀！
加油!!!!!
好佩服佢有果份勇氣
水電工真是一個不錯的行業，長工雖然未必攞到工會價(1480)，但一般仍有(1250)一日，月做26天，好似近期装修市場很難請人，不祗要開夜(按日工時薪)連星期天都照返，錢搵多咗，人就癲咗(壓力好大)
中年白纸会请吗。
@@ngar2010幾歲？
Because the problem is now that, you have already built both old, and new buildings... and the market landscape has also changed as well. The type of people that you need are actually, should be MORE skilled, than what the educational sector could teach you. The problem needs to be discussed really... and to be solved by both the government's representatives.. as well as actually the... functional groups on constructions, because.... (originally, when certain buildings were built, they were literally costed, and priced.. It has an insured value.) The question is.. is such an insured value... multiply by.... is it worth to "mend a little bit"... or is it cheaper to knock down the whole building. This is what is often being considered. So... (To be honest, I think HK should have a "Building's Institute".... to both analyse these problems.. and use R&D on how to both preserve buildings, as well as to isolate for retrofitting reasons etc. Overall.. safety first.) UK has also entered into these spaces as well... i.e. Architects now do research projects on how to do city planning... which is now common, but to be able to visualise and to do proper engineering... that is, construction engineerings... this is harder.
有機會的話想找她學學，我也有點興趣啊！好厲害👍🏻
加油!你好叻。
同學支持妳
有勇氣又有志氣 加油!
Inspiration!
值得尊敬
性格比學曆更重要，如果2點都有，就事半功倍🤩努力❤️
好犀利
依個老豆真係好好
真心配服 加油
加油，為自己夢想努力將來一定會有美好生活💪🏻
如果片中主角真的想在英國從事電工或水喉匠的工作, 應該考慮先去英國然後在當地讀及當學徒, 又可以一路學英文. 原因是以香港牌資格考當地專業試並不容易, 如果英文水平一般的話難度更高. 主角要多多研究和考慮, 否則到時候失望. 加油!
冇錯, 除了專業知識外, 英文水平也要考慮, 始終在外國, 做工的時候, 最低限度 , 要和同事客人溝通, 語言表達能力, 不可忽視.
呢個真，仲要佢哋有唔同口音，初初開始真係聽唔慣，small talk吹水又插唔到嘴，早啲去英國做學徒好過，反正老豆係判頭唔洗佢養
在英國做水電最緊要係識人，我哋呢面東歐工人，就算唔識英文都請，一定要有熟人。
但做到工頭就一定要識講，識寫，希望佢可以搞得掂
@@iluabo6218 你說的情況, 北美都有. 但係不懂英語, 會限制自己發展, 只可打唐人工 . 而且不懂英文, 那些老闆大有機唔熟唔食 , 會專登壓人工和 工作福利. 因為語言束縛, 技工的 bargaining power 會好蝕底.
@@iluabo6218 對, 我相信那些唔識英文的東歐工人好可能無英國牌, 他們只能做幫工而唔係大工.
好叻女呀！加油
我建議移民前先學好基礎的當地語文，例如加拿大，要執業必須有當地文憑，但非常讚賞你的改變👍
鍾意畫畫可以試下painting吖,我之前响迪士尼地盤做都好多女仔做painting
佩服nijoles 嘅毅力
見到Nijoles咁努力真係好勵志，加油啊～～～
型！！！！
安全方面建議配帶安全防護眼鏡 ,見穿戴安全鞋(鋼底鋼面)
想問用左幾多個鐘做剪接？
我係加拿大做電做得好迷惘，感謝你的分享鼓勵繼續行落去，不過加拿大做電（建築行）係無帶電安全啲（除非自己生意做維修）
辛苦錢
好叻女👍🏻
好叻女
勁
加油
阿哥同老豆好有型
Respect
唔好意思呀！我想問你係報邊間機構？課程名稱係咩？我都係好想報讀，同埋同你一樣諗住移民，萬分感激Thx🙏🏻🙏🏻🙏🏻🙏🏻
叻女👍
覺得女仔唔得呢個觀點真係只限亞洲國家，喺德國見過好多判頭都係女人，而且就算生活上好多嘢都唔鍾意男人幫手，最簡單例子係試過幫女人換水機支水，之後仲俾人鬧。
但喺香港見女人換水唔幫會俾人鬧呢。邊有得比
通常西方女仔的體能/體格😅😅😅港女邊度有得比呀！利申：我住美國
要做好正常。
Respect.
👍🐱🐈, very smart worker. Protect hearing, eyes and hands. Maybe should also wear safety shoes
佩服
今次配VO 把女聲幾好聽喎! (但係認唔出係邊位主持)
respect
💪💪💪
感覺佢要移民，爸爸最唔捨得自己嘅仔女。移民其實係好殘忍嘅事。一個唔想留，另一個唔想分開但又唔想太自私。到佢哋真係要離港，可能係最後嘅見面，想再擁抱都冇機會。
@@TheJordilau 所有有智慧既人都會知係邊個造成
养儿防老这种观念更自私
@@RS-ek1zz 咪自私話要走個個做成，唔通係唔走個個咩
@@MrZzm88 掉低親人既直頭係冇人性
@@TheJordilau 建議先進修中文 😂
呢個頻道真係睇到我欲罷不能
想請Ricky哥哥幫手通渠❤️
幾可愛
個個走晒。呢個地方邊個嚟守護同傳承？
我見到佢為移民而好努力，這是想移民嘅人應有嘅態度。我相信佢會成功走到的。
Thx
好多人唔夠學歷讀HD都會讀毅進，但係如果時間許可的話可以選擇讀VTC (VTC學既野比較貼地) 再升上去HD
請問有冇俾中年轉行嘅白纸讀
VTC係一個好出路！我都係VTC出身😂
@@ngar2010 幾歲？
@@ngar2010 我35歲個年，響香港嘅CICTA，即係有少少津貼個間建築業訓練居讀2年制管工班，因係年長生可以讀IVE，出黎介紹你做嘢--我入咗中國佬做學徒，邊讀書邊返工，原則上我跟管工，實際上我咩都做，跟過AE，跟過安全，連什工女工嘢有時唔夠人都要做！第二年幾本上係自己ON99睇晒成幢樓！！不過讀建築移民無用，個個國家唔同例，你都係要讀過，而且管理層通常唔到你做！
女中豪傑，掂！
佢把聲同樣都好襯佢呢個職業，好特別😍，好少女仔做到
個邊攞住宅電工牌只再需幾個月，努力。
其實好想知mm係邊度揾到呢啲受訪者
點解唔上淘寶買部開槽機呢，仲帶噴水裝置，安全輕鬆無塵還快捷
优秀
要讚一個
工作辛苦 但係開心嘅
細個幾正
👍🏻👍🏻
可以申請485來澳洲去TAFE讀電工，夠時間就申請PR，之後再citizen
👍🏻👍🏻👍🏻
離開地獄，那裡都是天堂！