decor (interior design) ألوان دهانات للحوائط و الجدران 2023 للشقة بالكامل بديكورات رائعة
Vložit
- čas přidán 4. 08. 2022
- حلقة النهاردة مهمة جدا لان هجاوب فيها علي اسئلة كتير محيرة للناس جدا
و هي بخصوص دهانات الحوائط و طلاء الجدران
كتير مش عارفين يختاروها ازاي طيب ننسق ايه مع ايه ياباشمهندس احمد
طب السيراميك و لا الدهانات الاول طب العفش و لا الدهانات الاول و غيره و غيره
و كمان حلقة انهارده مميزة للناس الي بتحب الهدوء و الراحة في الألوانو مش بتحب تعمل كل غرفة بلون مختلف و حابة تعمل الشقة كلها لون واحد بس مش عارفة ايه هو
هجاوبكم انهارده علي معظم الاسئلة الي بتتكرر مع الدهانات
Intro
هنتكلم انهارده عن 3 الوان مهمة اوي لو انت من الناس الي بتحب توحد لون الشقة و مش كل غرفة بلون مختلف
و من ألاوان المفضلة لنقاشة الشقة بالكامل و يحسسك بوسع الشقة او الالفيلا او الوحدة السكنية بتاعتك وما بيكونش مؤذي للعين هو
1:الفانيلا لاتيه
و ده طبعا من ألالوان المحببة لينا كلنا و هو حاجة كده بين الكافيه و البيج
2:التوايلايت
و ده بقي نقدر نقول عليه رمادي فاتح اوي بس مش واصل للأبيض للناس الي بتحب فخامة الرمادي و هو من أفتح درجات الرمادي و الي بيحسس بوسع واضح للمكان
3:السمر سنو
وده قريب لليمستون ممكن يكون افتح منه شوية و لكن هو من الدرجات الغامقة شوية لكنه تريند الفترة دي مع الفانيلا لاتيه و التوايلايت و تحسه ما بينهم كده بيج واخد حته رمادي
هنتكلم بالتفصيل عن كل ألوان الدهانات دي و يمشوا مع ايه من الفرش و الديكورات و غيره و لكن هجاوبكم الاول علي شوية اسئلة محيراكم
و من أشهر و أهم ألاسئلة الي بتسألهااختار الدهانات الأول و لا العفش الأول؟
من رأي انك لازمتوفق الدهانات و الديكورات الي عندك في التصميم او في شقتك عموما مع بعض من الاول
مش العكس لانك ممكن تتجه مثلا ناحية الدهانات البيج و تعمل الديكور علي الاساس ده لأنك حابب البيجات و بعد كده يعجبك عفش مش هيبقي احلي حاجة مع البيجات و كان هيبقي محتاج الوان دهانات رمادي زي الاصفر الكناري بيكون رائع مع الرمادي عكس البيج
ليه لما بختار لون من الكارتلة و انفذه في الموقع ممكن ميطلعش نفس الدرجة بالظبط او بحسه مختلف
لان الأضاءة بتغير اللون بشكل كبير انت ممكن تدهن شقتك كلها لون واحد و لكن الاضاءة مختلفة في كل غرفة عن التانية فتحس ان الدهان مختلف
فزي مابقولكوا علي طول لازم تأخد عينة ألاول من اللون الي عجبك و تجربه في الانحاءالمختلفة في الشقة
السؤال الشهير جدا بقا
اعمل الشقة كلها لون واحد و لا اعمل حائط مختلف ولا كل غرفة لون
ايه اشيك
تعالي اقولك علي حاجة لو انت من الناس الي بتحب التغيير بشكل دائم بين ديكورات الغرف ادهن كل غرفة بلون خاص بيها
اما لو كنت من الناس الي بتحب البساطة و ما عندكش مشكل في انك هتمل بعد كده و هتبقي عايز التغيير فادهن الشقة كلها لون واحد
بس في الحلقة دي هنتكلم عن توحيد لون الدهانات في الشقة كلها او الوحدة السكنية بتاعتك و ازاي تنسقها مع الديكورات و الفرش
اول لون هنبدا بيه هو الفانيلا لاتيه
طبعا اللون ده غني عن التعريف و اتكلمنا عنه قبل كده في حلقة لوحده و ده من اكتر الالوان الي انا شخصيا بفضلها بشكل كبير لو حابب تعمل الوحدة السكنية كلها بلون واحد
و سبب تميزه انه بيتماشي مع معظم الازواق و الديكورات
و نقدر نستخدم معاه اكتر من لون في العفش زي النبيتي و الكاشمير و الازرق و الاخضر و الجراي و غيره من ألالوان
و ياسلام بقا لو عملته ربع لمعة بيكون هادئ و فخم جدا و تقدرتستخدم معاه الاستانلس الجولد في الديكورات و المرايات و توزيعاتها المختلفة
اللون ده تمييزه هيحسسك بشياكة المكان مهما استخدمت معاه من ديكورات
و ألارضيات ممكن تبقي علي بيجات لو المكان عندك ضيق شوية لان ده هيساعدك تحس بوسع المكان او كافيهات و بني لو عندك متسع من المساحة
و لو حابب كمان ممكن تعمل حيطة او اتنين في الشقة بالشكل القطيفة من نفس لون الفانيلا لاتيه بس هتغمق درجتين عشان تبقي الحيطة مميزة وواضحة و هتكون بنفس الدرجة فمش هتخرج اوي عن توحيد اللون للشقة كلها
تاني لون عندنا هو التوايلايت
وده بيتميز انه لون محايد و بيليق عليه ألوان كتير فتقدر تدهن بيه الوحدة السكنية كاملة و تغير في الوان العفش في كل غرفة و هيليق معاهم كلهم زي الروز و البيبي بلو و الاصفر الكناري و الاخضر الملكي و كمان الابيض بس او الاسود بس وبيكون شيك جدا لو حابب تعمل جزء من العفش اسود لان في ناس كتير بتفضله او ان يكون ابيض سادة
و تقدر تلعب بشوية ديكورات زي الاباليك باللون الاسود او الفضي او حتي الجولد و هتتماشي جدا مع الديكور العام
اما الارضيات فتقدر تخليها اما رمادي غامق مشبح بابيض مثلا او انها ممكن تكون رمادي فاتح لو المكان ضيق فهتحس بأتساع المكان جدا و ممكن أبيض مشبع بأسود
و كمان تقدر تعمل سيراميك بشكل الباركيه سواء بلون فاتح او غامق بيكون شيك جدا
وايا كان شكل الديكور تقدر تكمل جمال المكان بشوية براويز باللون ألابيض و كمان البانوهات الي انا شخصيا بفضلها جدا
و مع الأضاءات المختلفة و الليدات هتحس بتغيير كبير في كل غرفة
اما بالنسبة لتالت و اخر لون معانا فهو السمر سنو
و ده بفضله في المساحات الواسعة شوية لانه من الدهانات الي تعتبر غامقة فممكن لو المكان ضيق او صغير و دهنته يضيق المكان أكثر
و من أكثر ألوان العفش الي بتليق معاه بشكل كبيرهو الأزرق بدرجاته وأي شكل أرضية بيتماشي معاه سواء بورسليين أو سيراميك أو باريكه و لكن انا بافضل الأرضيات البيج الفاتح معاه بتظهروا جدا و بتبين جماله
و عشان تبين جماله كمان هتزود بعض الديكورات من الزرع الكبير الاخضر بيفرق جدا في الشكل و بيظهر جمال اللون
و كمان من الألوان المميزة معاه في العفش الكافيه الغامق بيكون في منتهي الشياكة و تحس بدفئ في المكان و هدوء و خصوصا لو ضفت بعض التفاصيل باللون الابيض زي البراويز و الفازات و التحف
و بكده نكون وصلنا لنهاية حلقتنا انهارده و يارب تكونوا استفادتوا كان معاكم احمد هلال مهندس ديكور و معماري و كنتوا بتتفرجوا علي قناة A.H designs
________________________________________________________________________
١ رقم الهاتف و الواتساب 01557464111
٢ لينك الفيس بوك و الماسنجر
facebook.com/profile.php?id=100063887442096&mibextid=ZbWKwL
٣ لينك الانستجرام
instagram.com/ahmed_helal_designs?igshid=NjIwNzIyMDk2Mg==
٤ لينك التيك توك
www.tiktok.com/@ahmed.helal.desig?_t=8dsNjOucts5&_r=1
حضرتك منين
السلام افضل الزيت او البلاستيك او القطيفه
ربنا يكرمك علي كل المجهود دة شكرا لحضرتك
اللهم صلى على سيدنا محمد صلى الله عليه وسلم تسليما كثيرا الى يوم الدين
عليه افضل الصلاة والسلام
بجد شرح حضرتك روعة
شرح ممتاز جدا
شكرا على المعلومات القيمة ربي يجعلها في ميزان حسناتك
حلقة جميلة استفدت منها جدا
بسم الله ماشاء الله
انت رائع ودا رأيي من اول يوم اشتركت فيه ف القناه الصدق وإلسخاء فى إعطاء المعلومه هم عنوان لكل حلقاتك تحياتي لك من اسوان
طريقة شرح حضرتك يا باشمهندس ممتاز جدااا 👌 ربنا يوفقك يارب ومن نجاح لنجاح اكبر بإذن الله 🤲
ماشاء الله عليك شرحك جميل ومفيد فعلا 👍
جزاك الله خيرا
شكرا جدا علي الاستفادة ياريت نشوف فيديوهات اكتر
فيديو جميل
جزاك الله خيرا
اللهم بارك
جزاك الله كل خير
فيديو ممتاز
شرحك رائع يا باشمهندس
والله تسلم علي شرحك الجميل ياهندسه
شرحك جميل وسهل ربنا يزيدك
ربنا يبارك لك
ماشاء الله عليك شغل ممتاز ❤
المعلم والله شكرا لك جزيلا .......
أعجبني من قبل ما أشوفه
جميلة جدا و مفيدة جدا... شكرا على نشر الوعي عند الناس
تسلم ي بشمهندس
بالتوفيق والنجاح الدائم أن شاء الله حلقه ممتازه ومفيده جدا جدا
اشكرك جدا لأنك اجبت على كل اسإلتي لاني مقبله على تشطيب شقتي
تسلم يا هندسه
ربنا يباركلك
ربنا يوفقك ويجازيك كل خير على المعلومات المفيده شكرا جزيلا لك
امين يارب مرسي جدا لزوق حضرتك
تحياتي 🌷🌷
❤❤❤❤❤
الله ينور ياهندسه
كل التحية لأستاذنا
فيديو غني بالمعلومات
وغايه في الاهميه لكل حد بيدهن
او بيفرش بيته
الحمد لله ان الحلقة عجبت حضرتك و مرسي جدا لزوقك حضرتك
تحياتي 🌷🌷
دي حلقه تدرس
بالتوفيق دايما يارب
@@gadogado9542 ربنا يكرمك و يكرم الجميع يارب
تحياتي 🌷🌷
لينك الانستجرام
instagram.com/a.h_designs2000?igshid=YmMyMTA2M2Y=
لينك الفيس بوك
facebook.com/profile.php?id=100063887442096
رقم الواتساب 01557464111
اخذت الرقم مافيه واتس
دهانات
ماشاء الله انت استاذ 👍🏻😍
الحمد لله و مرسي جدا لعليقك الرائع المشجع
تحياتي 🌷🌷
العالمي اللي وحشني مشاء الله عليك ربنا يوسع عليك ويرزقك ♥️🤲
شكرا
ماشاء الله روعة يا فنان 💚💚🇪🇬🇪🇬🇪🇬
انت انسان محترم شكرا 🌹
الف الف شكر لزوق حضرتك الراقي 🌷🌷
حلقة جميلة جدا ومفيدة الله يبارك فيك ويحفظك ويوفقك
ربنا يكرمك و يباركلك مرسي جدا علي تعليقك الرائع المشجع
تحياتي 🌷🌷
@@a.hdesigns5406 ممكن اعرف اللون المناسب للابواب وتجاليد الخشب مع الفانيلا لاتية
بسم الله ما شاء الله عليك في الألوان نظرك ممتاز
❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤٠😅٠
0😅❤❤٠0٠0٠
٥
حضرتك ساعدتنى كتير ع الاختيار الافضل الايمشى مع ديكور الفرش والسراميك
قبل مااتابع حضرتك كنت اشتريت السراميك
1- لون فانيلااا لاتيه
2- لون سمر سلو
3- لون توايلاييت من درجات الرمادي
لون رمادي يمشي على البني حته لو شقفه نبتي
احسن نوع من الدهانات والقطيفه وشكرا
الله يجزاك خيررررر على هذا الشرح الرائع والواضح رب ابن له بيتا في الجنة ووالديه
تسلم حضرتك ❤❤❤❤
شكرا لجهدك المميز ..استفد من كلامك .الله يوفقك ويرزقك من واسع فضله.
اليوم استلمت الشقة وكنت مخربط كتير ومدووش لما سمعتك رتبت لي أمور كتيرة .عندى ٣ حمامات كلها بغيرها من الالف للياء ..ياريت تنصحنى أعمل ايه .اخوك في ورطة ههه
ماشاء الله عليك شرحك جميل ومبسط دا غير انك فاهم ومتمكن ربنا يبارك لك . ياريتك قريب منى عايزة اجهز شقتى من بدايتها ونفسي الاقى حد فاهم كده يساعدنى ومايورطنيش
شغل يرتقي بالزوق العام للمشاهد
ربنا يستخدمك ديما يارب
الحمد لله ربنا يكرمك ياغالية
تحياتي 🌷🌷
الله عليك فعلا مافيش تفصيله في الديكور
الا وبنعرفها ونتعلمها من حضرتك
ربنا ينفع بيك ديما يارب
ربنا يكرمك و يباركلك الحمد لله ربنا يجعلنا نفع للناس و يرزقنا نحن و إياكم
تحياتي 🌷🌷
حلقه قويه جدا
الحمد لله ربنا يكرمك
تحياتي 🌷
اذا سمحت أرضية بورسلين رصاصى فى بيج يليق عليها اكتر دهان حوائط فانيلا لاتيه أو رصاصي فاتح افضل ؟
نفس السؤال
ماشاء الله
سبحان من علم الانسان ما لم يعلم
سبحان الله و بحمده سبحان الله العظيم
الحمد لله
تحياتي لحضرتك 🌷🌷
ما شاء الله شغل عالي محترم بس اكيد الوان جوتن عامل اساسي في نجاح الشغل
اه الوان جوتن تحفة بصراحة
تحياتي 🌷🌷
جزاك الله كل خير لو سمحت انترية طوبي واثاث بني وسيراميك اسودواضاءةواضحة ومساحة واسعة اختار لون حوائط ايه ومطبخ واسعة جدااختار لونه ايه والف شكر
عاشت ايدك
الالوان كلها جميله ربنايوفقك🌷
ربنا يكرمك و يباركلك
تحياتى 🌷🌷
ياريت لو تغيري صورة الخلفيه حتي لا تأخذ وزر من يرآها من الرجال لأن صورة الخلفيه إن كانت لأمرأة متبرجه أو بزينه أو بدون حجاب فهي من السيئات الجارية لك في الحياة وبعد الممات
حلقه مفيده جدااا ، ممكن حضرتك تتكلم عن دهان السقف الجيبسون بورد الوان وانواع ولو فى اشكال فى السقف بتتدهن لون مختلف ولا السقف كلو لون واحد
ودهان المكتبه الجبسون بورد
حاضر وعد هعمل لحضرتك حلقة مخصوص عنها
تحياتي 🌷🌷
❤❤❤❤❤❤
👍🏻👍🏻👏👏
الله يباركلك شرح تفصيلي للالوان وكيفية تنفيذها وايه يليق معاها من عفش واضاءه وارضيات وديكور
كل ده بمنتهى البساطة والوضوح
Congratulazioni
جربت حوائط الغرفة ابيض وآية لون بتحبة ٢ حاطةابيض و٢ حوائط الون بتحبة والأطفال بتحب بنك ❤❤
ممكن تعمل حلقه عن الوزر الارضيات الابيض شكله جامد بس عاوزين نعرف افضل واوفر خامات فيوتك ولا ايه
معلومات مفيدة جزاك الله خيرا..
ممكن اعرف اللون الأزرق اللي وراء حضرتك نوعه ايه ودرجته كام..
شكرا
هل الون الجري. او الرمادي في العفش يبقي كويس او يكةن متناسق مع الون فانيلا لاتيه
لو اخترت فانيليا لاتيه والارضيه ابيض مرخم رصاصي غامق والأبواب خشبي هل يليق واش من درجات الخشبي .ممكن توضح لي درجة الون الخشبي للابواب لاني حابه الارضيه ابيض مرخم رصاصي بالنسبه للون سنو وايت والتوايلايت..الله يوفقك
من فضلك
جرانيت فنتاستيك وايت المصرى
هل يعتبر خيار جيد للمطبخ؟
لوسمحت انا من اشد المعجبين بحضرتك لو سمحت لو انا مركب رخام نبيتي ا في المدخليه هي الالوان اللي تتناسب معاه
الازرق إللي وراك جامد
رائع.... لو سمحت لو لون الحوائط رمادى فاتح اقرب للابيض وعمودين جنزاري ازرق الاثاث كركنة اعملها لون ايه
شكرا على الشرح
بيتي لا تدخل شمس يعني اضاءه خفيفه ما افضل لون يزيد في الاضاءه
شغلك ماشالله كله رهيب يعطيك العافية
اية رايك ب لون قطيفة مع فنليا لاتية واية رايك فى اوضة نوم بنى فى فضى تتعمل لون اية حطان علسان تذود الاضاة
أشكرك على ذوقك العالي فى اختيار الالوان حقيقي تحفة انا شقتي ارضيتها لونها رمادي فاتح والسكولو اسود سيراميك هل ينفع ادهن فانيلا لاتيه ولا مش هيليق
ياريت لو تغيري صورة الخلفيه حتي لا تأخذ وزر من يرآها من الرجال لأن صورة الخلفيه إن كانت لأمرأة متبرجه أو بزينه أو بدون حجاب فهي من السيئات الجارية لك في الحياة وبعد الممات وثانيا إن كانت صورتك فالحجاب والزي الشرعي فرض من الله عزوجل علي نساء المسلمين كالصلاة والصوم والزكاه وسائر الفرائض وصفاته أن لا يصف أن لا يشف أن لا يكون زينه في نفسه وإن لا يكون لباس شهرة وأن لا يكون معطر وكذلك أن يكون ساترا لجميع البدن وكذلك لا يجوز ظهورك بالمكياج أو خروجك به لقول الله تعالي..ولا يبدين زينتهن إلا لبعولتهن.
حلقه جميله يا باشمهندس بس عاوزة اسال حضرتك اللون اللي وراك ده ازرق ملكي بلاستيك صح كده
وكمان عاوزاك تفيدني عندي طرقه طويله ومش عارفه اعملها لون ايه وكمان عندي كورنر كبير وعالي حرف L عاوزة اميزه بلون حلو ومبهج كده
ماشاء الله ممتاز.....ممكن سؤال من فضلك الرسبشن عندي طويل وفيه اربع عواميد وعوزة اعمل قطيفه فانيلا لاتيه ممكن اعرف العواميد لعملها لون ايه يمشي معاه
بعد.اذنك انا عاملة حجرة النوم رمادي غامق اللي هو فضي ينفع اعمل باقي الشقة فانيليا لاتية او رمادي فاتح
بجد حضرتك رائع ❤️
الحمد لله ربنا يكرمك
تحياتي 🌷🌷
@@a.hdesigns5406 ممكن ارقم الالون واسما الدهانات
مسل، الخير شكرا لحضرتك ممكن ارقم الدهانات واي انواع الدهانات اسمها اي
لو سمحت يا باشمهندس احمد اعمل مراجعه عن لون الوايت بيبر 8282
لو السيراميك ابيض مشبح رمادي مثل اللي بالفيديو تنصحني باي لون من الوان الدهانات
لو سمحت لون الفانيلا لاتيه يناسب استايل عفش معين نيو كلاسيك بس ولا ممكن يناسبه المودرن
الألوان التلاته قمه في الروعة والشياكة
وبتدي احساس بالهدوء والراحه
استاااااااااااااذ
مرسي جدا لزوقك ربنا يكرمك
تحياتي 🌷🌷
ممكن رقم تليفون حضرنك
ممكن رقم تليفون حضرتك
ممكن لو سمحتو ماهى الالوان الثلاثه
@@user-qh4ek7bz6u اللون الاول الفانيلا لاتيه
اللون التاني التوايلايت
اللون التالت السمرسنو
وطبعا الالوان التلاتة الباشمهندس شرحهم بالتفصيل في الحلقة
درجة اللون ممتازة سمر سنو
موجودة لدى جيبتون رقم الدرجه للون 1442
نصف لمعه او اقل
اه هي درجة تحفة فعلا بس انا بفضل الربع لامعة
تحياتي 🌷🌷
@@a.hdesigns5406 لو سمحت حضرتك بتفضل الربع لمعه ف العام ولا ف درجة سمر سنو بس
❤️❤️❤️👍
لو سمحت ادهن الشقه زيت أحسن ولا البلاستك وانهو نوع لو بلاستك يكون كويس شكرا لحضرتك
لوعندك محل موبيلات وعايزه اختاره الوان الحوائط ايه اكتر الوان تكون مبهجه و عصريه
👍👍👍👍
انا عملت السيراميك علي رمادي خفيف ام اللون المناسب له لبياض الحواءط
عفش بيتي لون حليبي يعني بيج فاتح جدا وانا حابة ادهن بيت ابيض ومحتارة بلون السقف ارجو رايك واي لون مناسب
عندى سؤال عاوزة ادهن فانيلا بس السيراميك ابيض فيه تعريقة رمادي خفيف وعندى الصالون عاوزة اغير لونه ايه افضل لون يناسب دا
🌹👍
من فضلك عايز لون الفانيلا لاتيه بالضبط الدرجه بتكون ازاي واعمل الجبس بورد لون اي ارجو الرد ولو هعمل حواءط او عمود قطيفه افضل درجه معاه اي
ممكن رايك في شقه من الدوله كلها قمرات نازله من السقف نداري شكلها ازاي
انا عملت لاميستون مع ريفلكشن فى الريسيبشن كدا تمام ولا اغير ياريت حضرتك ترد عليا ضروري لانى حاسه ان فيه حاجه غلط
لوسمحت اعمل حلقه عن حواءط السلم الي خارج الشقه في المنازلي يعني فهمني
لو سنحت يابشمهندس لون الفانيله لاتيه بيليك لو الصالون كشمير والركنه رمادي في اسود
رائع بس ممكن اعرف ايه افضل للرسيبش ويعطى وسع دهان نص لمعة ولا ربع لمعة ؟
ممكن اشتغل الشقه كلها اول درجات اوف وايت ولا بقى قديم ؟
باشمهندس من فضل حضرتك عايزة ارقام الالوان التلاته اللي حضرتك ذكرتهم في الفيديو من جوتن عشان عايزة اعمل الشقه . شكرا جزيلا لحضرتك 🌹
نيبون افضل من جوتين دلوقتي وسعر افضل بى كتير
@@user-ep1qt2fh7i
عند حضرتك فكره عن ارقامهم . وفين في اسكندريه. اول مره اسمع الاسم ده. رجاءا التوضيح مع جزيل الشكر
@@remotlety2005 اه وممكن كمان تعملى ألوان يدوى مش كمبيوتر علشان هتكون مكلفة جدا جدا جدا
@@user-ep1qt2fh7i
شكرا لذوق حضرتك
@@remotlety2005 لا شكرا على وجب اسعد الله اوقاتكم بكل خير