صوت هنا / الراحل الكبير الشاعر كاظم اسماعيل الكاطع
Vložit
- čas přidán 5. 09. 2024
- صوت إهنا .. وصوت إهنا
وصوت إيمر على عظامي
وصليل وياه
وصوت إيمر سهم
وبكاغد اتلگاه
ويمر چتال ابوي
ابمستحه اتلگاه
وبوسه هنا .. وأحبّه هنا
وگومن گومة الديوان بوداعه
وأنه دوسة جرف لوّل جدم وتلاه
وشفت الذيب والراعي اجو منّاه
وعرف الذيب وطباعه ..
ودري بصحبته وشيريد
ناوي ايطر جزيره وصاحبه إمتاعه
صاحبته بغلاة الزلم صحبة يوم
ماگصّر ..
تريَّگ بالگلب .. وتغدّه بالچتفين
وضم مني سهم لليل تجواعه
ومشاني بدرب بس الدرب شبرين
حتى تلوحني ذراعه
وينصه الصوت .. ويعله الصوت
ولو عودك ذبل بلماي ..
راضع موت من گاعه
ولو صار العشگ للبيع ..
لا تعتب على الشرّاي
كثر اللوم عل باعه
آنه الليله إلچ ياروح ..
لهوّس ودفر الگهوه
وسوّي الدلّه سمّاعه
ملت وتگلگل البسمار
سواني الگَدِر لهدومي شمّاعه
آنه الليله إلچ ياروح ..
لگص چفچ وأعلگه برمح المداعه
الغفه بفي النخل يترجّه ثمره اتطيح
مو مثل التشلبه وجاب بذراعه
بعد ساعه إلچ ياروح
ساعه ومهلتچ ساعه
لو نحچي الصدگ ونغطّي كل العيب
لو نخرب وذب أعليچ طرگاعه
الشاعر كاظم اسماعيل الگاطع
الله الله الله عليك
اعرف لذيب وطباعه