دايو ماتيز 🇰🇷 | افضل ميني كار تحت ال ١٠٠ الف

انا وانت و اي حد لما بيعمل حاجه جديده او مختلفه بتلاقي ناس كتير ركزت معاك و الموضوع اختلف عن قبل كدا
اهو دا بالظبت ال تم مع شركه دايو الكوريه
بعد سلسله اصدارات منها لعربيات دايو التقليديه سواء كانت زاز او سيلو او اسبيرو
مع الاختلاف وبدايه انتاجها لدايو ماتيز و ال تعتبر واحده من اهم عربيات دايو واكترها انتشارا وتداولا لحد النهارده
دايو ماتيز تم انتاجها من سنه 1998 لسنه 2002 من شركه دايو ومن سنه 2002 ل 2005 من جينيرال موتورز
واخر انتاج ليها كان سنه 2011
وماتيز تعتبر بديله لدايو تيجو ال مستمرتش ومتمش التنفيذ عليها والتسويق لانتشارها
الماتيز اتصنعت في كوريا الجنوبيه وتم التجميع في كذا دوله زي رومانيا و ايران و اوزباكستان و الهند و باكستان من تصميم المهندس الايطالي جورجيو و ال صمم اغلب عربيات دايو وكانت بتيحي بتصميم مختلف تماما عن عربيات دايو التقليديه ودا بحجمها الصغير مع ٥ ابواب
مع اول موتور نزلت بيه في مصر وكان ٨٠٠ سي سي ٥١ هورس باور ٣ سلندر
بعد كدا نزلت بموتور تاني انجكشن ١٠٠٠ سي سي ٦٢ هورس باور ٤ سلندر دفع امامي مع فتيس مانويل ٥ سرعات
نرجع بقي لاصدارات العربيه ال اتكلمنا عنها
فالعربيه نزلت بجيلين الاول و ال كان من انتاج شركه دايو من سنه ٩٨ ل ٢٠٠٢
ودي كانت بتنزل بالكماليات الاساسيه مع تكييف وانزار وسبويلر وكشافات شبوره اماميه
اما الجيل التاني و النزل من جينرال موتورز واستمر بعد كدا ل ٢٠١١ بنفس التصميم مع تعديلات بسيطه من شركه شيفروليه
فكان بينزل تحت اسم ماتيز تو مع امكانيات وكماليات مطوره
زي تعديل في الشبكه و الاكصدام الامامي مع اضافه مرايات كهربائيه دا غير امكانيه طي المقاعد الخلفيه ودا لزياده حجم الشنطه .
لكن متمش تغيير في مواصفاتها و ال كانت بتنزل
بأرتفاع متر ٤٨
وطول ٣ متر وخمسين سم
وعرض متر خمسين
وارتفاعها عن الارض ١٥ سم
مع طول قاعده عجلات ٢ متر ٣٤ سن
وسرعه قصوي ١٤٥ ك
بمعدل تسارع من صفر ل ١٠٠ ف ١٧ ثانيه ودا للاسف عيب من عيوب العربيه
اما بالنسبه لاستهلاك البنزين فكانت بتستهلك بمعدل ٦.٥ لتر لكل ١٠٠ ك
مع تانك بنزين بسعه ٣٥ لتر
وشنطه خلفيه بسعه ١٥٥ لتر وبتوصل ل ٤٨٠ لتر ودا بعد طي المقاعد الخلفيه
واخر حاحه وزنها فكانت بتنزل بوزن ٧٧٠ ك
ماتيز انتشرت بشكل كبير جدا وسريع في السوق العالمي خاصه في مصر و روسيا ودا لانها اقتصاديه جدا وعمليه
دا غير مميزاتها ال كانت بتديها الافضليه علي منافسيها في الوقت دا فكانت بتيجي ب ٧ مميزات
اول ميزه الاقتصاديه
فالعربيه موفره جدا في استهلاك البنزين وزي م قلتلك بمعدل ٦.٥ لتر لكل ١٠٠ ك ودا معدل ممتاز جدا
تاني ميزه قطع غيارها
فقطع غيارها متوفره ورخيصه بشكل كبير
تالت ميزه سعرها
سعرها يعتبر قليل بالمقارنه بعربيات تانيه من نفس الفئه و الامكانيات
رابع ميزه اعاده بيعها
فالعربيه بتتباع بشكل سريع وعليها طلب كبير في السوق ودا طبعا ع حسب سعرها و حالتها.
خامس ميزه صياناها ودا لانها بتتكون من قطع ميكانيكيه سهله و مش معقده علي اي صنايعي لكن في مشكله بخصوص صياناها وهنتكلم عنها في العيوب
سادس ميزه اعتماديه الموتور والاجزاء الخاصه بالفتيس و ال تعتبر معمره الي حد كبير في حاله متابعه صيانتهم بأستمرار
اما اخر ميزه تصميمها العصري و الجذاب دا غير الكماليات الحديثه ال بتنزل بيها سواء باور او ازاز كهربا وتكييف وغيرهم
و زي م المميزات دي خلت ناس كتير تشتري العربيه وتقتنيها
الا ان كان في عيوب بعدت ناس تانيه عنها
اول عيب حوض العربيه
ودا لانه ضيق جدا وبيصعب علي الصنايعيه الشغل فيها برغم سهوله اجزائها الميكانيكيه
تاني عيب و ال من رأيي ان دا عيب غبي جدا في التصميم
ف من الطبيعي في اي عربيه بتلاقي فليشر الاشارت علي جنبين العربيه. الا ان الماتيز الاشارات فيها جنب الكشافات يعني تعتبر الا حد ما ملغيه
تالت عيب حجمها وال يعتبر قليل جدا علي انها تكون عربيه عائليه وبيخصصها اكتر انها تكون استعمال شخصي
رابع عيب تسارعها من صفر ل ١٠٠
ودا ال هتحس بيه وانت ماشي ع طريق مع طلعه العربيه فهتلافي العربيه بطيئه جدا لحد م تاخد سرعتها لكن لو انت معدكش مشكله في التسارع وشايف انك دا هتتعود عليه مع الوقت فميعتبزش عيب
خامس عيب نظام التعليق
فعفشتها تعتبر متينه وبتخلي العربيه تفتقد للراحه الي حد ما وبالذات لو في سفر ومسافات طويله دا غير انك هتحس بشكل كبير بالنقر و المطبات
اما اخر عيب وهو قدره وعزم الموتور
فهتلاقي نفسك بتواجه مشكله مع المنحدرات او لو حاولت تطلع بيها لاماكن اعلي لو في كوبري او مطلع فعزم الموتور للاسف مش هيساعدك اوي
انا عاوزك بقي تركز معايا اوي ف ال هكلمك فيه لان دا خلاصه الفيديو
لو سألتني عن دايو ماتيز فأنا عن نفسي وبشكل شخصي مبرجحش تماما اي عربيه حجمها صغير وشايف ان بسعر العربيه ال حجمها صغير دي هتقدر تجيب غيرها عربيه اكبر ٤ باب وشنطه خلفيه ومساحات اكبر وموتور اقوي وغيرها من المميزات
لكن لو انت حابب نوعيه العربيات دي فبالتأكيد هرشحلك دايو ماتيز وال بتتميز عن غيرها من نفس النوع بأمكانيات اعلي
بس في حاجه مهمه جدا قبل م تنفذ وتشتريها وهي ان العربيه دي سعرها قليل ومش عالي علي الاطلاق
لكن وللاسف ناس كتير وتجار بيتاجرو بالعربيه دي وبيطالبو بأسعار عاليه ويكسبو فيها
وفي منهم ال بيبيع ماتيز ون بسعر ماتيز تو دا طبعا مع فرق الامكانيات وفرق السعر م بينهم عشان كدا لو نويت تشتري ماتيز يستحسن تجيب ماتيز تو بالسعر العادل ال يناسب حالتها وميكنش في مبالغه لان في الاول و الاخر دي عربيه استعمال شخصي .
ولو عاوز تعرف عن عربيات كتير تابع معايا ومتنساش اللايك و السبسكرايب
سلام ي وحش
#فيات #شاهي_دوجان #لادا #بيجو #سينما_السيارات #دايو #سيتروين #جيلي #سوق_السيارات #اسعار_السيارات