Mongol min tend

МОНГОЛ МИНЬ ТЭНД
Шүлэг: Ц.Бавуудорж /Төрийн соёрхолт/
Хөгжим: Б.Бямбабаяр /МУУГЗ/
Дуучин Д.Сосорбарам /МУГЖ, Төрийн соёрхолт/, уртын дуучин Э.Болормаа, Uvertura хамтлаг, Хөсөгтөн хамтлаг, уртын дуучид
Галын дөл хацар үнсэх мэт
Гэсэр жангар икэл товшуураас амилах мэт
Хэн догдлуулаад, юу яаруулаад ингэтлээ
Хэтний очтой өндөлзөв өө
Хуйлж цойлсон эрэмгий хүлэг мэт
Хуйнаасаа сугарсан хөх илд мэт
Хэний төлөө, юуны тулд ингэтлээ
Хээрийн салхитай огшино вэ гэвэл
Эзэн сүлдний минь тасархай
Эгэл биеийн минь сэмэрхий
Хөх тэнгэрээ зүүдлээд гэж
Чин зүрхнээсээ дуулна
Орших орон харь хол ч гэлээ
Омогших сэтгэл минь хамтдаа
Ахуй гүрэн тусдаа ч гэлээ
Амин зүрх минь хамтдаа
Эрдэнийн өлгий Монгол минь тэнд, тэнд л болохоор тэр шүү дээ
Гал дээр дэвэрсэн буурал цай мэт
Гадсанд эргэсэн өнчин ботго мэт
Хаашаа яараад, юундаа догдлоод ингэтлээ
Халуун нулимс минь мэлтрэнэ вэ гэвэл
Алаг махны минь тасархай
Алтан ясны минь хэлтэрхий
Монголоо санаад гэж
Чин зурхнээсээ дуулна
Орших орон харь хол ч гэлээ
Омогших сэтгэл минь хамтдаа
Ахуй гүрэн тусдаа ч гэлээ
Амин зүрх минь хамтдаа
Эрдэнийн өлгий Монгол минь тэнд, тэнд л байгаа болохоор,
Тэнд л болохоор тэр шүү дээ
Алаг махны минь тасархай
Алтан ургийн минь хэлтэрхий
Эрдэнийн өлгий Монгол минь тэнд л байгаа болохоор
Чин зурхнээсээ дуулна, дуулна