مهارات غير هندسية بيحتاجها مهندس التنفيذ | فن التشييد (36)
Vložit
- čas přidán 20. 07. 2024
- للاشتراك في كورسات الخرسانات والتشطيبات
:للمهندس/عبد الرحمن الشرنوبي برجاء الضغط على الرابط التالي
bit.ly/3Dk7x6v
--------------------------------------------------
00:00 المقدمة
01:20 مهارات الكمبيوتر
02:29 اللغة الانجليزية
03:54 التعلم الذاتي
05:10 Google Products
05:52 مهارات شخصية
08:15 مهارات التواصل
09:00 النظام والتنسيق
12:19 ايه اللى تستفيد بيه من حلقة النهاردة؟
--------------------------------------------------
بحيي كل مهندس بيحب يطور من نفسه وعاوز يكون قوي جدا في المعلومات التكنيكال الخاصة بالتنفيذ،بس عاوز انبهك زي ماأنت بتركز في بداية حياتك العمليةعلى المعلومات التكنيكال الخاصة بالتنفيذ،لازم تركز جدا على السكيلز المطلوبة منك واللى ماينفعش تشتغل من غيرها،واللى هتسهل عليك الاندماج في سوق العمل والاحتكاك مع الناس اللى انت بتشتغل معاهم:المقاولين،العمال،الصنايعية،المديرين،زمايلك المهندسين،وأي حد انت بتحتك بيه في سوق العمل.
فلو انت مهتم تعرف ايه هي المهارات دي،تابع حلقتنا النهاردة.
1-مهارات الكمبيوتر:ازاي تتعامل مع الكمبيوتر،زمان كانت الأمية هي أمية القراءة والكتابة،لكن دلوقتي هي أمية كمبيوتر،ماينفعش تبقى مهندس ومابتعرفش تتعامل مع الكمبيوتر،زي مثلا:فك ضغط الملفات،ازاي تعمل باسورد للويندوز،ازاي تفرمط فلاشة...وهكذا والبرامج المساعدة معاك زي الكاد والاكسل.
2-اللغة الانجليزية:الي هتخدم المهارة الأولى في تعلم الكمبيوتر،لما تيجي تقدرى حاجة زي الكود الأمريكي،لما تيجي تتعلم حاجه من على جوجل أو اليوتيوب ومافيش عنها معلومات غير بالانجليزي...وهكذا
3-التعلم الذاتيSelf-Learning
مهارة انك تتعلم أى حاجه في الدنيا بنفسك،واحنا في عصرنا مالناش حجه،لأن كل حاجه بقت موجوده على الانترنت سواء
Google Products: Google Search - Gmail - Google Drive - Google Keep - CZcams
4-مهارات شخصية:
*مهارة صناعة القرار
*مهارة حل المشكلات
*تحمل المسؤولية
5-مهارات التواصلCommunication Skills
لو أنت مهندس شاطر وقوي جدا تكنيكال،ولكن مش عارف تتواصل مع الآخرين،ومش عارف الأسلوب المناسب اللى تتكلم بيه مع مديرك،زمايلك،الاستشاري،ممثل المالك،هتسببلك مشاكل كثير جدا في شغلك.
6-النظام والتنسيق:حتى لو كنت شخص غير منظم في حياتك الشخصية،لابد تكون شخص منظم في شغلك،عندك رؤية واضحة،ليك خطة ماشي عليها،بتاخد مرتب عارف بتقسمه ازاي،مطلوب منك 10 مهمات،تعرف تقسمهم ازاي وترتب أولوياتك،تعرف تقسم وقتك وتقسم شغلك.
مهارة التنسيق اتعود دايما ان اي مستند يخرج باسمك يكون منسق،لأنه في النهاية مظهر بيعبر عن شخصيتك،واجهتك الى الناس بتكون صوره عنك من خلالها،فهي جزء مهم جدا في شغلك ياريت ماتهملش فيه،ابتداءا من السي في،تقرير بيتقدم لمديرك،بتبعت ايميل،بتقدم ريكويست لاستشاري،حتى الموقع اللى انت مسؤول عنه لازم يكون منظم ومنسق.
دول كانوا باختصار أهم المهارات اللى المفروض يكونوا موجودين عندك كمهندس تنفيذ
ياتري استفدتوا ايه من حلقة النهارده؟
وهل شايف ان في مهارات تانيه مهمه لابد تتوفر في مهندس التنفيذ؟
ياريت تشاركونا في التعليقات
--------------------------------------------------
#skills #مهارات
#مهندس_موقع #مهندس_تنفيذ
#احترف_التنفيذ #عبد_الرحمن_الشرنوبي
--------------------------------------------------
- لمتابعة الحلقات علي القناة أسبوعيا الرجاء عمل subscribe:
/ abdalrahmanalsharnouby
- لمتابعة القناة علي Facebook الرجاء الدخول علي الرابط:
/ abdelrahmnalsharnouby
- لمتابعة القناة علي linked-In الرجاء الدخول علي الرابط:
/ abd-al-rahman-al-sharn...
- لسماع الحلقات صوتياً علي Soundcloud الرجاء الدخول علي الرابط
/ abd-alrahman-alsharnouby
- لمتابعة القناة علي Instagram الرجاء الدخول علي الرابط:
/ abdalrahmanalsharnouby
- لمتابعة القناة علي Twitter الرجاء الدخول علي الرابط:
/ abdlrahamns
الله ينور يا هندسة , ممكن يا هندسة سلسلة فيديوهات عن التعامل في الصنايعية والمعلمين بتفاصيل اكثر ولو حتى في مقابلات ميدانية مع العمال !!
شكرا لاقتراحك ياباشمهندس ايهاب
جزاك الله كل خير يا هندسه الله يبارك في حضرتك ويحفظك ويزيدك من علمه ونعيمه اللهم أمين
شكرا ليك يا فندم...كلك ذوق
ربنا يبارك يا هندسة لي والديك ويسترك في الدنيا وفي الأخرة ويزيدك ويكتب لك الصالح ديما والله حقيقي شخصية محترمة جدا ومجتهدة .. ربنا يصلح لك ديما حالك
شكرا ليك ياباشمهندس محمد...كلك ذوق
ماشاء الله تبارك وتعالى ربنا يبارك في عمرك وعملك في طاعة الله ورسوله صل الله عليه وسلم
شكرا ليك ياباشمهندس هشام...كلك ذوق
جزاك الله خيرا وبركة يا هندسة
شكرا ليك ياباشمهندس مصطفى...كلك ذوق
@@alsharnouby
السلام عليكم ورحمه الله وبركاته يا مهندس عبد الرحمن
أنا عاوز الكورس التشطيبات
للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
الانطوائى مش بيعرف يغير من طبيعته بسهوله
والشغل مش بالمزاج فبنضطر نشتغل موقع مع مكتب مع تصميم كمان ومبيبقاش فى وقت تطور نفسك
والتعامل مع الناس مرهق بالنسبة للاجتماعى ما بالك باللانطوائى
عموما شكرا على الحلقه الجميله يا بشمهندس
الجزء التانى من فيديو لينكد إن هينزل امته ي هندسة
في اقرب وقت متاح يا هندسة
حفظك الله بشمهندس عبدالرحمن اتابعك من عام ٢٠١٧م واستفيد منك الكثير، دمت بخير
شكرا ليك ياباشمهندس حسن...كلك ذوق
اخر ٣ دقايق فى الفيديو دا ياريتني كنت اتفرجت عليهم من ٤ شهور كانو هيوفرو عليا كتير اوى لان عشان اعرف معلومة اننا كنا منعزلين عن الناس وفاقدين مهارات التعامل الموضوع كلفنى ال ٤ شهور دول مشادات وخناقات لغايت معترفت بكدا حقيقى ٩٠% من تعبك فالحياة هتوفره لو اختارت معلم ليك اداك الحكمة بصدق 👌👌
شكرا علي مشاركتك ياباشمهندس أحمد
الله يبارك فى حضرتك.
عندى سؤال حمام سباحة معزول منبرين على الخرسانة وتم عمل فوق منه محارة .هل يحتاج إلى عزل اخر.
وإن يحتاج فماذا تكون المادة؟
دائمًا مُسَدّد يا بشمهندس ❤️
شكرا ليك ياباشمهندس ...كلك ذوق
الله ينور ياهندسه ماشالله وربنا يزيدك كمان بالعلم بجد حاجه تحفه
شكرا ليك يا فندم...كلك ذوق
الله يعزك ويبارك فى عمرك يابشمهندس-اقسم بالله حلقة ذهبية-ولكن اكثر الناس لايعلمون-ربى يحفظك من كل شر-خالص امتنانى💐💐
شكرا ليك ياباشمهندس علاء...كلك ذوق
تمام يا هندسه
وفيديو رائع فعلا
بس في مهارة بشوفها ناقصة عند مهندسين كتير
المرونة
تقريبا هندسه بتعلي الإيجو زياده عن الطبيعي
وبشوف كتير بيتعصبوا لرأيهم سواء صح او غلط من غير ما ياخد ويدي مع اللي قصاده
فشايف أن المرونة في التعامل هامه جدا
شكرا علي مشاركتك ياباشمهندس عادل
انت فين الفتره دي يا مهندس شرنوبي وحشتنا فديوهاتك والله
موجودين ياباشمهندس ...أهلا وسهلا بيك
#admin
الكلام كافي و وافي يا بشمهندس عبدالرحمن ما شاء الله ❤️
شكرا ليك ياباشمهندس ابراهيم...كلك ذوق
ربنا يطول بعمرك....
ويديم قوتك ورزقك و صحتك وعافيتك عليك
شكرآ من كل قلبي....
ما شاء الله كان الخبرة
ما شاء الله كان طريقة شرحك المبسط
والقريب عقلوبنا....ربي ما يحرمنا منك يا بشمهندس الغالي
شكرا ليك ياباشمهندسه سعاد...كلك ذوق
#admin
الله ينور عليك يابشمهندس ربنا يكرمك ويزيدك من علمه
شكرا ليك ياباشمهندس محمد...كلك ذوق
فعلا يا هندسة ضيعنا وقت كتيير في الكلية كنا ممكن نشتثمرها صح بس الحمد لله
شكرا علي مشاركتك ياباشمهندس محمد
والله يا بشمهندس بنتعلم منك كثير
جزاك الله خيرا والله ❤️
شكرا ليك ياباشمهندس مصطفى...كلك ذوق
جزاك الله خيرا يا باشمهندس
كلامك صحيح فعلا بس هوا في نقطه الاحتكاك والكوميونيكشنز في ناس بطبعها اجتماعيه بالفطره وفي ناس انطوائيه وكدا كدا الدراسه اصلا بتساعد الانطوائي انه يبقي اكثر انطوائيه ف بيبقي صعب جدا عليه انه يخالف طبيعته
ما ننكرش انهم في كل ما يخص العمل اكفاء لكن عند مهارات الاحتكاك صعب جدا عليهم التواصل و التوجيه بالطريقه المناسبه لان دا بيكون لود زياده علي اعصابهم منهم اللي بيقدر يشتغل علي الموضوع دا ومنهم اللي لا وبيفضل يفضل شغال مكتب فني بعيد تماما عن شغل المواقع
لكن اجمالا كلام حضرتك سليم ١٠٠٪
انا شخصيا من كام سنه كان معايا مدير مشاريع مش بيعرف يستخدم الكاد اصلا وكنت انا اللي بعمل له لوحاته
هوا ماقالهاش صراحة بس انا فهمتها وتقديرا لسنه كنت بعملهم انا
الكارثه بقي انه فكر ان دا حق ليه لدرجه بقي بيطلب مني لوحات مشاريع تانيه 😂
بحبك x الله
شكرا ليك ياباشمهندس ...كلك ذوق
@@alsharnouby ايه رأيك يا بشمهندس في مهارة ال sales؟ انا بشوف انها ضرورية ل اي مهندس بيبقى محتاج انه يبيع سواء منتج او فكرة لو عايز يقنع حد برأيه. مقاول عايز يقنع استشاري انه يستلم مثلا و هكذا
ربنا يجازيك خير علي المعلومات المفيدة يا هندسه
كنت بطلب من حضرتك تعملنا فيديو عن ازاي اخرج المعلومات من الكود او ادور فيه ازاي عن المعلومه اللي انا عايزها او محتجها
شكرا لاقتراحك ياباشمهندس عبدو
ربنا يباركلك يا هندسة
شكرا علي مشاركتك ياباشمهندس عبد الرحمن
الله يبارك فيك ي هندسه ديما بنتعلم من حضرتك
شكرا علي مشاركتك ياباشمهندس محمد
ما شاء الله عليك يا هندسة أنا بستفيد منك جدا ❤️
شكرا ليك ياباشمهندس قصي...كلك ذوق
الله ينور ياهندسة 👏🏽🌟✨
شكرا ليك ياباشمهندس أحمد...كلك ذوق
ما شاء الله عليك يا هندسة استمر ❤️
شكرا ليك ياباشمهندس قصي...كلك ذوق
شكراً جداً لحضرتك ربنا يجزيك عنا خير الجزاء ❤️❤️
شكرا ليك ياباشمهندس علي...كلك ذوق
الله ينور ياهندسة
في برضة مهارات التعامل مع فريق العمل والاهم مهارات التعامل مع المعنيين بالمشروع خصوصا الاشخاص الي بتحتاج تعامل مخصوص زي العصبي والنرجسي والفاهم كل حاجة في الدنيا ياريت نعمل حلقة عن دول
شكرا علي مشاركتك ياباشمهندس
لا فعلا ناقصنى الكمبيوتر والبرامج ..والانجلش ...وضعف فحتة نضافة الموقع بس بعملها بعد ما اخلص شغل فالبند الجارى
شكرا علي مشاركتك ياباشمهندس حسن
الله ينور عليك ياهندسة ♥️
شكرا ليك ياباشمهندس أحمد...كلك ذوق
ماشاء الله يا هندسة محتوي مفيد جدا ومميز ربنا ينفع بيك
فعلا المهارات دي المهندس حتما بيحتاجها ولما بيتصدم بيها في سوق العمل خاصة برة مصر مبيبقاش عارف يتصرف
حابب أضيف مهارة الصبر والمهارة دي هتلازم المهندس في تعلم جميع المهارات إللي حضرتك ذكرتها
فلو معندوش صبر سواء فالتعلم أو التعامل مع الناس مش هيقدر يكمل
وجزاك الله خيرا
شكرا علي مشاركتك ياباشمهندس محمود
مبدع كالعادة
يامدير
شكرا ليك ياباشمهندس محمد...كلك ذوق
@@alsharnouby
والله الواحد بيستفيد من كل دقيقة بيسمعها لحضرتك . وبحس انك بتضيفلى حاجة كبيرة . فربنا يبارك ف حضرتك ويجزيك خير عن كل اللى بتقدمه
الله ينور عليك يا هندسة بصراحة انا متابعك من فترة و بستفاد جدا كل ما بشوف فيديوهاتك
يا ريت تتكلم عن حاجة مهمة وياريت تعمل ليها فيديو هايبقي في ميزان حسناتك
ياريت تتكلم عن الشغل الحرام والحلال في المقاولات والتنفيذ والفرق بين الشغل الشمال والسرقة والشغل اللي يرضي ربنا بالحلال
انا مش قصدي انه يبقي موضوع ديني بس انا نفسي انك تعمل فيديو تعلم المهندسين حديثي التخرج ازاي يبعدوا عن الطرق اللي انا وانت والناس القديمة في المهنة دي عارفينها وخصوصا لو حد حابب يشتغل في المقاولات
علي فكرة انا مهندس مدني دفعة 2011 وضيعت كتير اوي من حياتي بسبب عدم الاهتمام بحدود الحرام والحلال في المقاولات
ياريت تعمل فيديو عن اخلاقيات الشغل وخصوصا الغش والكذب في المجال بتاعناوخصوصا للهمندسين اللي لسة متخرجين انا
انا مابشوفش حد بيتكلم كتير عن الموضوع ده
ربنا يجعله في ميزان حسناتك
شكرا لاقتراحك ياباشمهندس محمد
الله عليك يا باشمهندس محمد انا المهندس محمد حمدي اللي اشتغلت مع حضرتك في الجلالة وبحيي حضرتك علي الاقتراح ده❤
ما شاء الله يا هندسة
عاش على الدخله الغشيمة دي 😂🌟
شكرا ليك ياباشمهندس زياد...كلك ذوق
حلقه دسمه
شكرا ليك ياباشمهندس رشدي...كلك ذوق
❤️❤️❤️
❤
ربنا يجازي حضرتك كل خير يا بشمهندس عبد الرحمن ده اولا طبعا
ثانيا انا يمكن مختلف شوية مع حضرتك او مع ناس كتير في موضوع الانشطة الطلابية وانه مفيد لسوق العمل ,,لانه اغلب اللي بتعامل معاهم في الأسر وفي الأنشطة بيبقوا طلبة وطبيعي دماغهم مختلفة عن دماغ مديري او زميلي الاقدم مني في الشغل او خبرة 20 سنة او الصنايعي او المقاول او كذا وكذا
فاللي هو اه ممكن استفاد بس اللي هو هعرف ازاي اتعامل مع زمايلي اللي في الكلية مثلا او اللي في نفس سني وفي نفس مستوي التفكير اللي انا فيه وفي النطاق ده بس ,,
انا شايفها جانب ترفيهي أكتر ومطعَّم بجانب تعليمي
+ اني شخصيا لما كنت في الكلية مكانش فيها اي نشاط اصلا 😅 فكان يتحتم عليا اني اضرب مشوار لهندسة القاهرة او عين شمس او اي كلية تانية عشان اشترك في نشاط عندهم 😅
شكرا علي مشاركتك ياباشمهندس محمد
بارك الله فيك يابشمهندس دش مياه ساقع دا
شكرا علي مشاركتك ياباشمهندس هشام
البرمجة والمدني
انا بتعلم برجمة وبديها اولوية من وقتي وأهدافي
هل في تناقض بين مدني وبين البرمجة ولا ممكن تفيدني ؟
مقدرش بشكل مباشر هاقولك تفيدك ازاي , بس البرمجة بقت مهارة كل التخصصات بتطلبها غالبا
ي الحاجات اللي المفروض نعملها ف فتره الاربع سنين دراسه يعني مثلا الاجازات ننزل مواقع والبرامج نشتغل عليها من وانا ف اولى تخصص ولا ايه ارجو الرد او تعمل فيديو عن ازاي تستغل فتره الدراسه ف آنك تتعلم حاجات جديده
لو انت لسه في الكلية اي اجازة انزل موقع لان شغل الموقع ملوش علاقة بدراسة الكلية اوي
تاني حاجه اتعلم برامج اهم حاجه اوتوكاد واكسل ولو تعلاف تدوس في الريفيت دوس
واللغة الانجليزية مهمة جدا
وعندك مادة الخرسانة والاشتراكشر اهتم بيهم علشان دا هيفيدك قدام
وربنا يوفقك
وابدا من اولي مدني عالطول
@@mohamedhosny9962 ليه محتاج اللغه؟
@@hazzemhossamsalim2604 انت لو في أولى مدني قدامك فرصة عظيمة انك تطور اللغة بتاعتك لأنك لما تتخرج انشاء الله ومعاك لغة كويسة هتقرفك جامد في السوق عن غيرك
هنا في مصر هنشتغل في شركات كتير
ولكن علشان توصل لشركات عالية في مصر لازم لغة انجليزي
ولو ناوي تسافر السعودية الشركات الكبيرة هناك بتطلب لغة
@@mohamedhosny9962 شكراً جداً♥️
قترة الدراسة متعملش حاجة غير انك تنجح وتعدي فقط, في الاجازة اكتسب المهارات ده وجهز نفسك على ما تتخرج وانزل تدريب مواقع في الصيف
بالمختصر المفيد .. ارجع ادرس من الابتدائي مره تنيه يا باش مهندس وبلاش تشتري الشهادة لانها سواد وش و مال حرام
عندي مشكله ف مهاره الترتيب و التنظيم
شكرا علي مشاركتك ياباشمهندس زياد