Labëri larë në hënë - Grupi i Bënçës
Vložit
- čas přidán 10. 09. 2024
- Grupi i Bënçës 11 Prill 1995
marës - Golik Jaupi dhe Përparime Ziflaj
kthyes - Dervish Guma
hedhës - Agron Selimi
Labëri larë në hënë
eshtërat sa majë e rrënjë,
Malet’ë gushë më gushë
jashtë borë e brënda prushë,
E derdhura ibërshime
La moj Labëria ime..
Malet si supe me mëngë
sipër detit të ergjëndë,
amani, shokë, amani
aty më gjen prehje xhani,
E derdhura ibërshime
La moj Labëria ime..
Labëri zonja qesqine
shkrepat fole gjeraqine,
për stane dhe borë rradhë
për thëllëzat gushëbardhë,
E derdhura ibërshime
La moj, Labëria ime..
Pllajat aromë trëndeline
grykat derdhur në burime,
të dëgjoj këmborë stani
të këmbej nishan çobani,
E derdhura ibërshime
La moj Labëria ime..
Labëri gërxhe e tërë
honet prer si me gërshërë,
Malet’ë gushë më gushë
jashtë borë e brënda prushë,
E derdhura ibërshime
La moj Labëria ime..
Si ty vetëm zotët bërë
vashat vita, djemtë Drërrë,
amani shokë, amani
aty më gjen prehje xhani,
E derdhura ibërshime
La moj Labëria ime..