我們的艱辛懷孕經驗/不孕/家計會生育科/香港公立醫院IVF試管嬰兒/ 照輸卵管/原來是這個原因！ Difficult Pregnancy/Infertility experience
Vložit
- čas přidán 20. 08. 2024
- Please support my channel! 🥰📝英文文法練習 +升中學/小學面試問題與參考答 案
www.TheEngWorks...
我們的艱辛懷孕經驗/不孕/家計會生育科/香港公立醫院IVF試管嬰兒/照輸卵管/ 原來是這個原因！ Difficult Pregnancy/Infertility experience
IG: www.instragram....
Useful English Playlist:
• 常用英文字/句子
廣告: englishwithmaggie.enquiry@gmail.com
#不孕 #不孕不育 #不孕症 #infertility #艱辛懷孕經驗 #害喜
完全明白你嘅心情，因為我同老公都係試咗好耐，試到我40歲先試做第一次IVF，仲要我同先生分隔兩地，做IVF 要打好多針，我獨自承受好多壓力，由於年紀大，打針打到最大劑量都冇乜起色，正想放棄之際，醫生同姑娘都鼓勵我堅持，終於成功懷孕，生咗一個健康可愛嘅混血寶寶，而家阿仔都12歲，後日就13歲啦，各位正在努力嘗試生BB嘅朋友們加油呀！
辛苦了～我當時聽到要日日打針都好鬼驚。恭喜你地啊！
@@EnglishwithMaggie 好多謝你呀Maggie! 阿仔明天就13歲啦。我本身好鍾意學英文，所以好早之前已經訂閱咗你頻道啦。我移民前喺香港一間中學教咗17年英文，現在我改變模式，一邊喺屋企教自己個仔，一邊跟你學習，繼續加油呀Maggie！💪💪💪
我住係美國. 我 lunch time 有30分鐘, 一到要打針的日子, 果 30分鐘就係用 10分鐘揸車返屋企, 打針 （針筒已經預備, 一入門口就入藥）, 再用10分鐘沖返去公司, 開工, 其實, 勝在仲後生, 而家諗起都唔知點解可以做到. 我後來有對龍鳳胎. 而家已經大學畢業. 仲有當時我公司的醫療保險非常好. 不論做乜嘢, 只需要5蚊美金. 聽完你嘅經歷後, 我知道, 假如我在香港的話, 我就沒有懷孕的機會.
😅😅
立即承認和敬畏忌諱的存在。
有孩子真是講緣份，當時我嘗試不同形形色色方法，又去私家醫生又去家計會，食補品做運動都沒懷孕，我們試了三年及已經排到了可以做人工受孕時，奇蹟地發現有BB，今年我仔巳14歲，所以加油大家，只是缘份未到!
我與太太經驗好晤同，她有過小產2-3次，之後6-7年她都冇再懷孕，那時我們就想冇就算哩，沒有強求，直到有一次，遇到在法國醫院做護士的朋友，她問我為何咁大年紀還不生仔(我那時36)，我說了經過，她介紹了私家毛醫生給我們(該醫生是中大醫院IVF權威醫生)，最後跟左醫生幾個月，包括要做basl temperture graph，AIH等，反而後來自然懷孕，之後要打三個月安胎針，後來太太剖腹生了個8 lb 13 oz BB，我個仔而家中都30歲了。
請問中大醫院IVF權威醫生叫咩名？
花了十年時間，我搞掂左，而家小朋友七歲了。
整個過程，覺得香港公立醫院（包括威院不孕中心）幫到我的只是重覆做iui或ivf或其他佢地覺得可行的事，價錢係比私家平得多，但幫不到我，當然我有朋友在威院不孕中心成功懷孕的。太太找到台灣的不孕的醫生，他們很專業及經驗豐富，驗的指數有更多，而且是很快，每次都係早上抽血中午出結果下午見醫生，有一次還第二朝做手術，比香港排依個期等那個結果，時間極快，而且價錢是香港公立醫院的五分一左右（在台灣的大學醫院），做左兩三次ivf就成功左。台灣這些醫生有d有群組，見過有好多意想不到的不孕原因，都是成功的，當然也有未成功的。
我沒有睇過香港私家，不能比較，也不是說香港醫生不夠專業，只是分享一下自己的經歷。
1. 有啲「大陸名牌」嘅 ovulation 試紙其實真係 work 嘅，不過深淺色唔係咁易睇，要日日做測試先有個好啲嘅 sense 去判斷。如果自問睇色唔敏感，用 clearblue 就唔駛煩，不過都貴。
2. 精子 quality 跳來跳去好正常，都巿人唔係好多人四十歲係全科合格，但係都唔多影響生育。最重要都係做運動，同埋食嘢健康。
謝謝妳分享自己艱辛的懷孕經歷，實在好不容易，幸好妳和妳先生沒有放棄，終於等到你們愛情的結晶品出生，替你們開心！Yeah! 👍👏🏻😍
聽完好感動！！！真係好事多磨，我好開心見到你既付出得到回報，真了不起！真心恭喜你！！
多謝你啊
@@EnglishwithMaggie 唔好客氣！！我聽你講既過程感同身受，你既堅持令我超級佩服！！多謝你既分享！！
子女緣都是注定, 得來不易會更加珍惜, 毫無保留地奉獻給子女。我比較幸運, 我太太生完第一個後半年就有第二個, 但生產後有乳腺瘤同妊娠毒血症, 也很很感恩所有事都化險為宜, 一家四口平安, 所以我明白母親角色上在這段時間的勇敢無比, 好好感受享受作為父母的時光, 欣賞子女長大中的每一分秒。做了母親後, 記得定時body check, 因為5年內乳癌的機率生較高, 我有兩個親屬都不幸有了乳癌, 有一位不幸離世剩下一對子女, 所以要小心一點。
多謝Maggie 老師無私的分享，希望Jamie健康快樂成長，長大孝順父母！好好珍惜兒子這個成長期，因為時間過得真係好快，我個仔下個月就15歲，進入青春期好有個性，唔係好啋我喇😂成日激到我紥紥跳，所以我都好懷念佢仲係bb嘅日子😅
其實真係好唔容易, 自己都係要割咗個瘤先可以再做 IVF. 仲記得打針, 塞藥, 做咗 2 次 IVF 之後就有BB. 生完個大, 1 年幾之後又自然有咗第二個. 真係好感恩. 大家真係要加油
我嗰時想有小朋友，但因為太太試過有宮外孕，故已直接考慮做IVF，後來去咗瑪麗醫院排私家症，可幸做第一次 IVF 已經有幾個受精卵，嚟到呢 Part 已經用咗8萬。（喺呢度想講港大教授真係好勁，完全唔洗靠估，我亦介紹同事去，佢都已經有2個小朋友）。
及後我本身諗住某個日子想放卵入子宮，不幸的事又重臨，太太第二次宮外孕，太太當時相當沮喪。結果經過一段時間後，太太平復心情就放卵。結果兒子平安出世，現在亦聰聰明明，活活潑潑。祝願各位想有小朋友嘅夫婦可考慮港大婦科私家症。
請問你搵邊個教授做？我打算去做啊❤
@@ttfung623 冇特別搵，我記得第一次見就見大教授，但落手做就其他醫生，不過都ok，其實佢成功個案嘅 percentage 都有48%。
人生真不容易，看你的視頻覺得你在求學時期是个很努力和認真學習的人，所以也感到你學識淵博的人，但現在婚后要照顧孩子，便少了机会，學以至用，希望你孩子長大后，你能找到盡展所長的机会😊😊😊😊
其實真係要睇多幾個醫生，好多時啲出名嘅「名醫」只係將啲唔想影響自己嘅名氣case彈走黎保持自己名氣，好好彩您地遇到好醫生🙏🏻
真係好多謝你🎉咁詳細分享這是你的私人資料，你願意公開分享！
你說得對，好多人講點樣成功，但真係好少人講不育😢😢我同先生已結婚12年，已經完全放棄。
整個醫治不育嘅過程，仲要打針食藥，真係來回地獄又折返人間😢😢😢
我同我老公結咗婚差不多10年，之前都試過不同方法，現時放棄心態
各位加油啊！@@Luckybaby2388
@@EnglishwithMaggie 多謝你的鼓勵。
不過我倆夫妻已經決定~放過自己~接受現實了，所以10分欣賞你堅持的毅力。
聽完妳分享亦諗起自己既辛苦歷程，so far經過千山萬水之後都成功左，所以話媽媽係最強既！❤❤❤
女子本弱, 為母則剛, 願天下想做母親的人💪💪💪
上天給你的禮物, 遲或早都一定會到來。祝福小寶寶健康成長, 一家生活美滿❤❤🎉
咁努力想要生小朋友，延續傳統家庭生活態度，響呢個咁「多元化」既世代本身已經係一件好「勵志」既故事啦，支持！👍🏼👍🏼😄
感谢妳哋分享不孕
❤讓更多人知道問題所在同真係要尋求醫生幫助，亦感恩上天賜給妳們有個好可愛嘅BB😊祝妳們幸福快樂!!
我由細到大嚟m都唔正常，9年前睇西醫話我子宮衰退，成功自然懷孕機會係0，建議我睇吓中醫，我搵哂名醫結婚唔夾睇一次燒一齊，之前再試咗5年，呢5年好攰，我2-3個月先嚟一次，排卵期又捉唔到，我唯有排政府嘅ivf,我俾個限期自己，如果呢年都仲未懷孕我就放棄喇，因為都35歲，點知就係放棄嘅時間突然有咗，我拎住支驗孕棒爆喊😂驚自己驗錯驗咗3支，囡囡出世仲要8磅3！
So happy for you!
很寶貴的經驗分享。謝謝你啊！
祝願你們一家和BB生活愉快！😊
我同先生都試左五年。iui都做左兩次都失敗，兩公婆完全放棄，先生帶左我去旅行散心😀
結果返黎就發現有左
而家懷孕四個月啦💛
真係得來不易既心肝寶貝🥲
Congrats!
放鬆心情，壓力少咗，成功率也會大很多
你終於成功時，我聽到都有點感動。
有個小故事借這裡跟大家分享：我作小產時到QE等‘’照閃閃‘’，有個家庭媽媽懷第二胎（爸媽仔），個仔仔好乖咁做緊英文功課，媽媽狂罵和打個男仔的頭罵他做不好，一眾“作小產”的媽媽在聽不敢作聲。
我們如此努力才有BB, 覺得社會有如此怪獸的媽媽很可惜（爸爸更恐怖，完全由老婆在罵）。
❤要好好珍惜（寄語眾爸媽）❤
我是35岁的时候和闺蜜一起做的单身生育，我们直接跳过婚姻直接要的宝宝，我们宝宝的爸爸是同个外国小哥，我家是男宝闺蜜家是女宝，现在已经上小班。我们想表达的就是，每个人都有选择自己的人生路径，并没有一种固定的生活方式是所有人都必须遵循的。每个人的幸福都是不同的，关键是找到对自己来说最合适的方式，在大陆做的香港没那么方便
This is the first video I come across on your channel. I can feel your stress and how much you hope for a baby just hearing your stories about taking all the supplements, seeing specialist and getting all the surgical. truely glad and happy that everything finally worked out for you in the end, eventhough it took 1.5 years its a journey you will treausre. Me and my husband having been talking about starting a plan, but we dont think we are ready - hopefully one day when we are prepare for a new life we can be as grateful as your family for the new born.
我明白你…
我同老公都試左一段時間 都有排不育
每次M到都好唔開心 有幾次知道M到 情緒低落到喊😢
我都有照輸卵管，我覺得痛不欲生😂
我同老公做左檢查 係我老公問題，我自己不停上網爬文 竟然俾我搵到我老公咩問題 當然我都係估估下 睇醫生時同醫生提出 再做詳細檢查 真係我估計嗰個問題😅 跟著我老公做手術解決咗個問題之後，三個月之後（精子更新期）就懷孕🤰🏻⋯⋯今次我都係放棄咗驗孕 因為唔想失望，點知放棄嗰個月就成功左❤ 好好彩排ivf前已經成功懷孕🤰🏻可以打去取消
恭喜曬啊！
Is that Varicocele?
@@russellcheung8369yes!!
我都想知係咪 Varicocele?
Planning for surgery
多謝分享。
恭喜你唔須要go through IVF巳經可以成功懷孕。
我在日本生活，10年前做IVF成功，女兒今年十歲。
從分享中知道似乎做各種有關檢查都有分唔同地方？！
喺日本基本上有「不妊治療」一條龍服務嘅診所。
如果只係IUI/AIH嘅話，有d婦科診所可能會有。
（IUI/AIH其實係一樣不過名稱唔同。醫生會計算你排卵期最大機會懷孕嘅時間，在治療當日早上採精，然後將精子用針管類直接射入子宮。呢個係最接近自然懷孕嘅治療方法。
IUI: Intrauterine Insemination
AIH: Artifical Insemination of Husband or simply AI
IVF: in vitro fertilization
IVF 每次去要打針，其實係要抽血驗賀爾蒙指數。所以，怕打針真係幾辛苦。好似我呢啲血管太幼好難揾，有時會被姑娘刺兩三次。😓
不過，自此之後，已經訓練到而家無以前咁怕打針啦。💪🏻
記得當時幫忙將精子同卵子做受精過程時，個職員好貼心，卵子成功授精後特登打個電話來報告。😁
日本做一個"Full"嘅IVF治療十年前大約100萬日元前後。比香港平。
個治療一般 Health insurance 唔包，但驗血同見醫生之類就跟保險。
另外，basal thermometer 嘅特別之處，其實係比一般多一個小數點。一般係小數後一個位，而佢係小數後2個位。因為基本上排卵期間個體温同平時嘅差幅唔會大過一度。
雖然過程艱辛，但成功之後，有左BB之後果種喜樂真係抵消哂。
以上係對十年前嘅小小記憶分享，如果有誤或outdated 請見諒。
再次恭喜你同你family！🎉
睇完你呢段片我又諗起六七年前我又係不停地嘗試懷孕、M到，其實我心情，當時已經37歲，第一次去咗瑪麗醫院，私家生育科做ivf 當時都仲可以抽到有六個杯胎，頭兩次杯胎直入，都不成功懷孕。最後擺第三次，終於生咗大仔，已經大概洗咗九萬幾蚊！
生完大仔唞咗半年，又再緊接擺另外三個杯胎，三次都係唔成功。已經洗咗15萬😢當時心情已經好灰。已經39歲。
就諗住趁40歲之前再轉戰私家做多次IVF，今次只係抽倒五粒靚嘅卵子，成功有兩個胚胎，可以直入，所以今次再直入多一次胚胎，私家診所真係好好，佢真係會幫你揀一個最靚最大成功率嘅杯胎直入先，務求令你100%成功懷孕，所以成功生咗細佬出嚟！
私家診所嘅洗費係13萬！所以如果真係想做IVF嘅夫婦，真心建議去私家診所做，時間不等人，年紀大一年你嘅卵子嘅質素亦都會下降得好快。而且政府醫院做（就算係私家部）佢唔會幫你揀最靚嗰粒杯胎擺先，都係睇你運數，除咗消磨你嘅意志，每次驗孕失敗嘅失落，時間先係最緊要。補充，私家醫生我係搵陳志慧醫生，真係一位好好嘅醫生。
Thanks for sharing! Congrats on your baby!
Thanks for sharing... 聽你咁講完覺得自己好好彩... 現在我自己40中, 太太比我年輕7年... 冇做乜嘢特別準備，結婚未到一年有咗BB， 而家BB差不多七個月大...
修正: 原來老婆戒咗好耐生冷嘢... 連凍生果都唔會食
我相信戒吃生冷是有幫助的
應該每個體質唔同，我是滿常吃生冷嘢的，都成功懷孕😅 主要是飲食要吸收足夠營養同埋做運動，調整心態Keep住正向
辛苦了Maggie願祝你同家人身體健康，開心快樂😀😀🤝🤝❤️❤️BB健康成長。
我趕及35歲前第一次ivf成功生了孖仔，好好彩🙏🏻我係去台大醫院做的，當時日日都睇babykingdom, 真係睇到崩潰但都係唯一途徑知道點樣去台灣做，當時選擇去台灣做係因為感覺成功率高啲，醫生進取啲同平啲。
一切隨緣，生命安好
好感動🥹🥹多謝瑪姫無私分享❤
其實太在意，太刻意，太緊張就越無，你唔理嘅話自自然就有，年紀絕對唔係問題，係你嘅你點搣都唔甩，未到時候，點強求都係無
我女兒比較容易懷孕，2018年生了個男孩，2020懷孕又是個男孩，不過五個月就陀唔住，未夠一磅就生出來，兩日後死亡，我們全家人傷心到不行，2023年頭又有咗，陀未夠兩個月又流產，現在她40歲，還在努力要第二個B!她勁喜歡小朋友，本來的一份不錯的職業也辭去，改做playgroup 助教！
越緊張就越難有。所以放鬆心情好重要。
同period遲左可以睇左基礎體溫係未高溫期先，如果遲幾日都仲係高溫期先驗孕都得。咁就唔洗用咁多驗孕棒。
”越緊張就越難有。所以放鬆心情好重要“。
係不孕既夫婦面前最好大要說這句說話，他們用盡各種方法去嘗試，這句話講到很容易，輕鬆就會有，係對太太很大傷害的。她們很敏感，同時好難受。
Support 😊😊
Great to hear that 🎉
The baby is so cute ❤
若果家計會那醫生知道自己幫左你，一定好戥你地開心
祝福你一家🙏🙏🙏神恩典滿一家族
恭喜呀，希望你身體健康💪🏻💪🏻靚女英文Miss
好感動！❤
聽到把聲咁震，都相信成件事係刻骨銘心嘅
Btw BB萬歲
恭喜恭喜！心想事成！🎉
多謝Maggie分享❤
完全明白妳心情🫂
我29歲時同先生好努力嘗試超過一年都未成功
做過好多檢查，亦有發現先生嘅sperm有同樣情況
一樣係iherbs etc..買過好多supplements，瑪卡、卵磷脂、Q10之類 不斷食左好一段時間。
然後可能自己有種不育壓力導致period變得不順(經血量少),照ultrasound發現子宮壁好薄，就算有受精卵都難以著床..當時覺得好心灰意冷，決定放棄好好調理自己 去左睇中醫 嘗試針灸，兩個月後就發現懷孕了🎉雖然懷孕過程都有好多問題出現，但感恩小baby順利出世現快3歲了❤
各位都加油啊💪🏻恩典永遠都會出現在意想不到之中，共勉之
in fact, fibrosis is the key reason to your infertility and it is a miracle that it takes 2 years for HK doctors to identify it..... after your operation (basically a little stimulation to your uterus), it is easier to be pregnant
真的恭喜妳🫶🏽我現在也是每個月要來M都會期待一下是不是有可能不會來，反而變成一種折磨😢你的分享讓我更有動力繼續堅持！謝謝妳❤
加油！
Dear Maggie, I am a man, and while listening to what you and your husband have been through, my heart kept on squeezing. Of course, I am happy for you in the end. Your story prompts a message to people that they should really treasure their time to have a baby while they are still young. Thank you.
Thanks for sharing. 你的片勾起了我自已和太太有BB的經過. BTW, 我覺得你除了教英文, 你絶對可以做一以健康生活和飲食為主題的youtuber. 因為一則你形象健康, 再者你給人很舒服的感覺. 希望你和先生, BB一家快快欒欒.
Hello maggie!!! 我應該係算早期千幾人follow你，今次第一次留言因為靚女我英文差梗係想學🤣
亦係呢個話題吸引到我，我老婆有朱古力瘤，一直有好醫生跟佢做完手術我哋打算亦唔想有小朋友我哋都35歲兩方決定好，我想講你詳細中家計會原來都唔錯安排或待遇，我以為求求其其😂
我搵開私家醫生睇，我哋亦無諗過公立或政府機構！最主要原因你都有提過消耗好大精神壓力情緒，我怕佢有情緒我怕我都頂佢唔順🤣我想講搞婚禮壓力大亦好影響女性身體
太太情緒又易緊張偏高，我哋本身都鐘意小朋友，所以而家一年多數去旅行2人世界算😂
亦祝你小朋友快高長大👍🏻
Thanks for your support!
完全明白你的心情，絕對有身同感受
我現在就是這種心情
我老公都Sberm count、Sperm motility都不合格😢
睇完你CZcams我都有即刻去檢查，我照子宮，卵巢，AMH都好好
但我就沒有去照輸卵管
想問你去照輸卵管係唔係這位黃民安醫生，民安醫學診斷中心，九龍尖沙咀堪富利士道8號格蘭中心14樓1405室
我老公就話覺得我未有需要，我又心大心細（因為我曾經小產），我老公就覺得我是沒有問題
我完全理解你感受，因為我都試過。但好彩去咗家計會，係佢哋協助之下，第一個月就有咗BB。
仲有，驗孕棒未必準確，我朋友一直未嚟月經，但每一次驗孕棒都話佢negative，直至佢見醫生，已經懐孕5個月。😂
恭喜晒，Maggie！
congrat, 最後努力成功🎉
Maggie, your wish came truth. No worries, Jesus blessed your family also lovely Jaime.🙌🏻🌈. Pray for you guys. 😘
Thank you so much!
講得很詳細及清楚，最後恭喜妳得嘗如願，恭喜晒❤❤❤
I fully understand your feelings about being infertile. It took me three years after marriage to give birth to the first baby. There are many reasons for this situation, and tension due to working hard in day time and pursuing master degree in evenings is the main reason. However, being still young, I tried to calm myself down, and at the end of my master course. good news emerged.
老師無私的分享,好感動,真了不起！恭喜你！！
多謝你分享，雖然你話唔係咩專業，但係你親身體驗，多謝，不過唔洗咁刻意追求，你哋好好享受人生，性生活幸福，你想要嘅嘢可能突然會有，加油加油，祝福你
其實家計會真係好浪費時間。我都有試過，前後浪費咗兩年，等好耐先test一樣。搵私家醫生喇！因為一次過test晒所有野。仲要搵啱醫生先得！ 你第一個私家醫生等成個幾鐘先睇幾分鐘，仲要咩都無照。我都轉過醫生，第一個又係等幾個鐘先傾5分鐘。求其試iui，但無一次成功。每一次都就咁食藥就試iui, 但每次照都得一粒卵子都照做iui.
第二個醫生真係好唔同。細心好多，試iui 佢會叫我試埋唔同方法，藥物，monitor我嘅卵子size +數量睇下邊種方法身體最適合。多過2粒卵子先試iui.
呢個醫生試咗幾次iui就成功咗，宜家5個月喇❤
我前後真係用咗8年先懷孕到。實在行咗太多冤枉路。iui都共試咗10次。終於排到ivf，諗住都係ivf㗎喇。但最終ivf前3個月就iui成功咗。
你呢個case同我有小小似，又係老公精子邊緣唔合格。我都有照到需要割息肉。不過我割完都等咗4年先成功懷孕。老公試過西藥中醫調理精子，最終發現中醫針灸最有效
Congrats on your baby!
可以介紹咩醫生嗎？
@@lailaishum387 何靖醫生。係有啲貴，不過真係好細心。成功咗再轉都ok啦
早晨Maggie老師😀😀🖐🖐
主持同大J一樣甘勇敢，勇於表白
Miss Maggie, 終於唔係教英文既片😂支持😂
Maria 妹妹👶🏻話用MRI 、華人工商找明明試管🧪寶寶🍼醫療中心可以生產多少位小朋友也好啦
congratz🎉睇到好感動～
精子活力不达标不是主要因素，其实很多时候是男女未能放开享受爱，放开了享受其中，就很容易怀孕的。主要是放开晒就OK，精力活力只要有10%都可以的了。不要为生小朋友而去做ai,而是享受爱的过程，这样才容易怀孕。
我都係先生精子形態唔合格，私家婦科已經叫我唔使諗自然懷孕，直接做試管😢但我覺得先生仲後生，冇理由咁快就要做試管！嗰時仲覺得係醫生為咗賺我錢先咁講，但而家經歷咗咁多野，先發現個醫生講嘅嘢係最正確😢如果一早聽佢建議，我就唔使拖拉兩年先有小朋友
可唔可以問吓你先生形態幾多%?係咪4%以上先合格？我先生得2🥲但都叫後生，食緊supplement,希望有幫助🙈
@@stephichigo 我先生第一次check 係2%, 第2次check 係1%, 到做IVF 前的checking 又變返3%... 但都係唔合格, 最後都係IVF先幫到我懷孕
恭喜你👏🏻👏🏻
我同你經歷好相似 亦都好明白你
恭喜你有一個健康Bb
我暫時未有好消息 IVF 第一次唔成功，希望嚟緊第二次會成功 ❤
加油啊！
支持Maggie❤❤❤
我多囊卵巢，要減肥，由72kg減到55kg左右，上年11月做埋腹腔鏡，沾黏阻塞都清哂，但仲未成功！失望左成年，已經有點想放棄，有點心累，伴侶又唔明白，好痛苦
加油啊！
God bless you and your family🙏🏻
感謝你分享寶貴經驗！如有機會亦想多加了解你手術過程，謝謝
謝謝分享，我剛試了兩次ivf都失敗😢，見到你個成功case好感動❤
加油啊！
如果可以, 是可以繼續嘗試的, 我試了6年. 有一對龍鳳胎❤❤.
IVF and stuffs can be done in other parts of Asia, like Thailand or Malaysia etc. One google away I find an IVF package of less than 14000 RM. My point is, don't waste your time waiting for an hkgov fertility specialist appointment, another 2 years for a government sponsored IVF. Your time to get pregnant is more precious than you think. Explore your options outside of Hong Kong wisely
恭喜哂🎉
Congrats again, please take care and wish all of you sleep well
恭喜你心願達成!!💝💝💝
好明白當想有bb，每次m come都好唔開心！我婚後只有頭兩年有避孕措施，之後無措施，五年都未有聲氣，我婦科話應該唔夠勤力，佢話我身體上應該無問題，在無避孕五年後終於第一次懷孕，但生長到12週無左！用左年半治療心靈既傷。
之後等多兩年先再有，係遲來m一日就驗到，開心到癲，但無同老公講住，等多一星期真係唔黎先去睇婦科，確實見到，仔在我哋結婚九週年先出世。老公當時剛4字頭，我就37，有睇過家計會，但大家唔想人工受孕，在2012年尾仲同老公講叫親友唔好再問，同佢哋講唔生，點知boxing day就驗到有！bb真係天賜既禮物來！我當時仲有個肌瘤成5cm,幸好我醫生比信心我，話唔影響bb生長，最後無驚無險😅
Glad to hear that it all worked out in the end! Congrats!
@@EnglishwithMaggie 係！一直好感恩做到媽媽，仔仔好鍚我，雖然有sen方面問題，但唔嚴重，同人溝通到，返普通學校，最緊要健康！
加油啊！@@marcomay0826
好多朋友都有這個問題,睇醫生做Body check都話身體冇問題,我只係叫佢地做多D,最好一晚做多幾次,因為做多D有既機會率就會高D,最后想講既係所有朋友都成功有BB了! 做人做事都一樣,想成功做多D,成功機會率一定會高D!
唔係話你想每晚做幾次男人都可以噶😂
Thanks for your sharing. So happy that you reach your wish.
辛苦了, 和恭喜
恭喜🎉
子宮肌瘤會影響受精卵著床，年青女士都好應該按年做婦科檢查，了解自己的狀況
congratulations Maggie😊
好明白你在任何一個階嘅心情 恭喜晒
其實永遠做pelvis ultrasound 先、睇report才做其他嘢，花了太多錢及時間，醫生應診一早就order blood test and ultrasound first,這是美國加拿大醫生做法！
講得好好 多謝分享🙏🏻
兒女是耶和華所 賜的產業，願神祝福你們身體健康！澳洲粉絲上
依家科學幫到好大忙,我個仔都係IVF好開心一次就得左,不過又要煩第樣野,就係仔既interview老婆又話我英文差吾好教壞個仔~
MRI磁力共振頻率越來越強也是美國保險投保
同你嘅經驗大致相同，不過我哋用咗五年先成功^_^ 所以好明白每個月承受嘅失望
恭喜你！
TTC is incredibly stressful and especially when you don't want others to know, not even my mom, lol. With my second child, he was conceived in my second attempt with IUI. And I had to be cleared by the HSG, before my fertility specialist would take me. They say it happens when you least expect it, but it's very hard to not think about conceiving when you want it so badly.
謝謝分享，希望有需要的人可以看到❤️
Maggie Teachers at 明明試管醫生專家（華人工商）幾页也是
應該醫生的經驗也有一定關係。你們那一刻也拍下來，這是最珍貴的一刻，可以留給寶寶將來看看，他的到來一剎爸媽是如何的高興。😀
We’re actually going through the same process with the remaining four 5AA and 6AA blastocysts now. It’s a long journey…
老師加油💪
我結婚5年才有BB，5年做了很多治療……也切除了一邊卵巢。
辛苦了！但恭喜你最後成功！
上天的禮物，祝一家幸福
Thank you so much for your sincere sharing. I will share this video with friends in need around me.