الحلقة 01 - تحدّيات المرأة العصرية: بين دورها في البيت و ما ينتظره منها المجتمع
Vložit
- čas přidán 31. 05. 2023
- لحجز جلسة إستشارة في الأمومة والتربية المبكرة : calendar.app.google/AWGCKFiV7...
التربية ، الحياة الزوجية ، المنزل ، إدارة الهرمونات ، الوظيفة ، وقت لنفسك ... والعديد من المسؤوليات الأخرى التي يتعين على المرأة اليوم أن تتعامل معها. لكن ما هو الدور الحقيقي للمرأة؟ هل يجب على الزوجة القيام بالأعمال المنزلية؟ هل يجب على الزوجة البقاء في المنزل لرعاية الأطفال؟ هل يجب على الزوجة الخروج للعمل لمساعدة زوجها في إعالة الأسرة؟ وإذا خرجت إلى العمل فكيف لها أن تضمن بين عملها بالخارج ودورها داخل المنزل؟ إذا كانت المرأة لا تعمل فكيف لها أن تعول نفسها؟ ماذا يتوقعه المجتمع حقًا من المرأة العصرية المثقفة اليوم؟ أسئلة كثيرة نحاول الإجابة عليها، و مواضيع عميقة نفكر فيها في هذه الحلقة الأولى من بودكاست الدّار
بودكاست الدار يتعمق في كل ما يهم المرأة المسلمة : تربية، حياة أسرية، علوم، تكنولوجيا، تاريخ، ثقافة... و العديد من المواضيع الشيقة و المفيدة
شكون جات من قروب دين الملكة لدوكتورة إيمان
محتوى جميل نظيف سمعت فيديو تاع المراءة رقم 15
عجبني بزاف محتواك لانك تمشي على الشريعة الاسلامية ماشي بالخوروطو لي راهم قتلونا به 💔
ربي يوفقك و يسرلك أمورك مزيد من النجاح و التألق يا برنسيسة اليوتيوب ❤❤❤🇵🇸🇩🇿
عندك الحق اختي ، شوفي انا سمعت مرة لوحدة انجليزية على ما اظن تفاهمت هي وراجلها هي تقعد تتلها بالدار ولولاد وهو يخرج يخدم ، دارت فيديو تشكر وتعاود وممتنة جدا لهذاك الزوج الل ينعب برا باه يوفرلهم الاحتياجات الاساسية للعيش بينما هي تكون مصدر حنان ورعاية ورقابة في البيت ، هنا قلت في نفسي سبحان الله احنا الحمد لله مجتمعنا مازال بخير ويوفر كل هاذا لكن للاسف المرأة ماعاادتش تقدر ولا تقييم الجهود تاع برا وماعادتش مهتمة بقيمة وجودها في البيت والرسالة الاساسية لها . شكرا اختي كنت فعلا متميزة في الطرح باسلوب بسيط وفكر راقي ، وفقك الله .
صح لازم المرأة تحس بتعب الزوج لي يتعب برا ويوفرلها وش تحتاج.. بصح هو تاني لازم يحسن عونها ماشي يشوفها شغل راهي قاعدة برك.. ويشوفها شغل روبو لازم يدخل يلقا الدار نقية والماكلة طايبة والأولاد عاقلين ونظاف وبلا مزيتها، ما عندهاش الحق تقول عييت.. مسؤولية الدار صعيبة بزاف خاصة كي يكون الأطفال صغار.. ولا لي ساكنة مع أهل الزوج.. أظن بلي هاد الاضطهاد وتحميل المرأة أكثر من مسؤوليتها عندو دور كبير في تحرر النساء حاليا والعقلية لي خرجولنا بيها تاع لازم نخدم ما نبقاش طلابة عند راجلي..
أنا عندي رأي ٱخر على سبب أنو ولات المرأة حاطة في راسها ولا أمها تحطلها في راسها بلي لازم تخدم هو تجارب نساء أخريات الي تطلقن أو ترملن وتمرمدو وضاعو هوما و ولادهم لأنو مالقاوش لي يصرف عليهم سواءا هاولاء المعيلين رفضو الدور أو الله غالب عليهم ماهمش لاحقين حتى لرواحهم أو لايوجد هنالك من يعيلهم أصلا وفي المقابل النساء الي تعرضن لنفس الضرف طلاق او غيره وكانت عاملة قدرت تصرف على روحها و ولادها وعاشت حيات كريمة حتى نلاحض أن كل من كان مسؤول على رعايتها تنفس الصعداء لأنها هناتو كيما نقولو وهذا لي دفع الأمهات يربيو بناتهم عل المقولة المشهورة لي ذكرتيها
صح اختي العمل والله كنت نخدم من بعد زوج منعني من العمل كان يخدم على روحو طاكسي مي بعد ماتوفى صح الحمد لله اخوتي واقفين عليا وعلى اولادي لانو معنديش مدخول مي مهما كان العمل لي اهم لكن الوقت صعب باش نلقى عمل رغم شهادة
محتوى قيّم و موجه بذكاء للأصول و الفطرة فما يخدم الروح أبسط و أسهل بكثير مما يخدم المجتمع و هو كل ما يكفي و يهم ، ربي يوفقك و يوفقنا للاستفادة أكثر
هدا الكلام دواء للكثير من النساء مثلا انا 18 سنة من التخرج بلا عمل وبالرغم من تفوقي الدراسي والطموحات الكبيرة التي كنت اعيش بها تلقيت انتقادات كثيرة مستفزة وحتى كاين من يستشفى فيك ولكن بسبب مسؤولياتي المبكرة كأم لم استطع فعل شيء وعشت تحت ضغط نفسي خاصة بسبب تعليقات البشر
مشكورة على هذا الطرح. من الوعي ان المرأة تفهم ان العمل او المكوث بالبيت ما يزيد ما ينقص من قيمتها لكن الهدف في كل الحالات هو الانتاجية و النفع لنفسها و لمجتمعها. امهاتنا و جداتنا زمان كانو منتجات على الرغم من عدم الخروج من البيت. جداتنا كان لهن دور في المجتمع في وقت الثورة و بعد الاستقلال و لليوم كل سيدة واعية تكافح من اجل تقديم حياة افضل ليها و لاسرتها سواء كانت في دار و لا تخرج تخدم برا. كل وحدة تعتقد انها ماعندها حتى قيمة علخاطر هي معندهاش مستوى جامعي مثلا فهي مخطئة و من رأيي هدفها تكون نافعة واكيد رح تلقى الطريقة اللي تقدم بها نفع مهما كانت الظروف وكل وحدة تشوف روحها حاجة كبيرة و خير من الناس من منظور كبر لانها ذات منصب لازمها تراجع نفسها لان هذا كبر و جهل و ايقو يدل على ضعف.
برافو موضوع في القمة إستفدت بزاف ❤
bonne continuation á toi 👂👏🌹
بارك الله فيك
المجتمع تعنا تغير كثيرا ، و الرجل اصبح غير مسؤول ، فالاب لا ينفق على ابنته و لا الرجل على زوجته و لا الاخ على اخته هناك بنات لا تجد الا نفسها بعد الله سبحانه و تعالى
ما شاء الله عليك اختي كلامك جميل و في الصميم
لا حَوْلَ وَلا قُوَّةَ إِلا بِاللَّهِ❤
كَنْزٍ مِنْ كُنُوزِ الْجَنَّةِ❤
ما شاء الله عليك ...كلامك صواب راكي نيشان
❤❤❤ الحمد لله على نعمة الإسلام
تعيشي حاولي تحطي البودكاست هاذا في الساوند كلاود واذا قدرتي في منصة ثمانية
أؤيد
هادا هو محتوى لي لازم ناس نسمعو شكراً اختي💪👏
Bravo un sujet très important je te felicite d'avoir évoqué ce sujet ❤❤
في القمة خسارة اكتشفت القناة متاخرة
نفس الكلام قلتو في نفسي ضيعت الوقت في قنوات لاتستحق
بارك الله فيك اختي ❤❤❤❤
روووعة💯❤💯❤💯❤
موضوع ماشاءالله 💛✨
Ya3tik saha
Kanat raw3a
روعة ما شاء الله ❤❤❤❤
بوركتِ
بارك الله فيك 😊
هايلة ما شاء الله عليك 💕
ماشاء الله بارك الله فيك 😍
راااائعة ❤ جزاك الله خيرا
شحال نحب كلامك المنطقي❤
بارك الله فيك حبيبتي ❤
بارك الله فيك ❤❤❤❤❤
ماشاء الله ربي يحفظك ملمة من كلش برافو في القمة ❤️
برافوا اختي الله يبارك فيك ويوفقك❤
موضوع في القمه ما شاء الله
Bravo vous avez tt résumé 👍 baraka Allahou fik❤❤❤
الله يعطيك الصحة حلقة في القمة ❤❤❤❤❤
حَبيت بارك الله فيك 🤍
بارك الله فيك...انا مثلا نعطيك واقعي...
انا تربيت في اسرة وين الوالدة تاعي كانت خدامة...و الحمد لله نشوف بلي خرجنا متوازنين و عندنا مبادئ اساسها الدين اولا واللي على جال التزامي بهاذ المبادئ تلقيت صعوبات كبيرة في عملي بحكم اني كنت الطائر الذي يغرد خارج السرب...و رغم اني قريت و خدمت لكن كنت دايما نقول اذا رزقني ربي و تزوجت و جبت اطفال راح تكون اولويتي اسرتي و نقعد فالدار عادي....كتب ربي و تزوجت في منطقة وين نظرتهم للمراة العاملة شوية شوية..مع ذلك نهار رزقني ربي ببنتي و يشوفوني معاها بزاف و نتواصل معاها و الانشطة و نمدلها وقت كبير نفس الكلام اسمعه بصيغ مختلفة:حنا ماكناش نديرولهم هكا...ماتولفيلهاش تولي تحبي تخدمي شغلك ماتقدريش...ديريلها بيبرون باش كي تحبي تخرجي تخليها موراك....ماترقديهاش وانت شادتها،حنا كنا نكالولهم البيبرون بالمخدة و نخلوهم.....باااالاكي تخليها تحبي تهبببلك..اربطيها.....حنا كنا نربطوهم......و نهار نجاوب(كي كنت نجاوب فالاول) نلقى نفس الجواب:حنا ربيناهم هكا و خرجوا لباس عليهم....... الحمد لله اني نشد لساني لانو لباس عليهم مافهمتش واش يقصدوا بيها،ممكن قصدهم كبروا..لانو صدقيني كلهم اضطرابات نفسية و عقلية...غير اللي يضرب مرتو ضرب مبببرح والله راجل مع راجل مايتضربش هكاك...غير اللي يسب اولادو...غير اللي غالق عليهم...و غير اللي يشرب ادوية ...بلا مانهدروا لا قراية لا فهامة.... الزوج تاعي والله مافهمت منين خرج ههههه...لكن كان جددد عصبي في الاول لكن حطيت معاه النقاط على الحروف بتدخل والدي الله يرحمو...و للصراحة تغير في هاذ النقطة بالذات..اما باقي الامور فاتفقت معاه عن طريق والدي الله يرحمو لاني تزوجت زواج شرعي ماعرفتو ماحبيتو ما خرجت معاه ما هاذ الحكايات لذلك عصبيته ماكانتش تبان...حتى والدي و تخلع.. قتلك حتى مرة عجوزتي تخيلي واش قاتلي... قاتلي معليش نخلي راجلي يضربني و مايقيسش يدو فالزجاج!!!...علابيها جبدت روحي تماما من هذاك المحيط و نسعى باش بنتي نجتهد في تربيتها تربية حسنة و مانسمع لحتى واحد من الاراء المتخلفة....لوكان تربيتهم جابت نتيجة لوكان رانا شفناها في ارض الواقع...
نسيت نقطة والله ههههه...مرة واحدة واش تقلي...في تحضيرات رمضان اللي جامي فهمت فايدتها...قاتلي حكيت الخيوط جبدت كامل الماعن حكيتهم كامل ..الفراش.....الخ..قاتلي باش ربي يسهلك صلي زوج ركعات و ادعي ربي يقدرك على الشغل...و في وسط الحديث هدرت بلي تالمو تعبت ماقدرتش تصلي فالوقت🙄🙄.الله المستعان.
الشغل وي ماذابينا ناكلوا ماكلة نقية و نعيشوا في بلاصة نقية بصح ماشي كل رمضان و كل موسم نجبد شغل الدنيا على راسي....انا شخصيا جامي شفيت درت الميناج هذا...نخدم اللي نقدر عليه ..و كي نمرض ولا مورال تعبان نعطي نفسي راحة.ربي يرشدنا
شوفي ختي قريت كااااع تعليقك وووو تقول انا راني نهدر تخيلي كااااع لي قلتيه صرا معايا خاصة عصبية الزوج بصح انا نربي بنتي غايا وبلا زعااف وماندربش ومانزقيش ههههه يقولولي مقلشة بنتك في نظرهم التربية الصحيحة قلاش😮😮😮ونفسي أولى ووالديا كل سمانة ولا اقل نروح نشوفهم ونديلهم شكتب ربي وتخيلي حتى دراري لي نقريهم خاطر انا استاذة في التعليم الابتدائي يقولولي ضربي 😂😂😂😂مداصريهمش متحليلهمش العينين اااو انا منظربش مي عندي حضور وهيبة غي نوقف ينظبطو والدرس نفوتو بسلاسة ومنشرحش وكاش واحد يلعب ولا لاهي معظم الاساتذة نسمعهم يقولو متعييش راسك ديري لي عليك كملي وقتك وخرجي....ياو مكان رحمة لا على ولادهم ولا على ولاد الناس هههههههههه الله يجيب الخير وربي يخلينا صحتنا واولادنا ان شاء الله
جزاك الله خيراً
بارك الله فيك وجزاك الله كل خير نعمة ماقلتي
Je vous tire chapeau madame❤❤❤❤❤
ربي يفتحها عليك البودكاست تاعك راحة نفسية والله
ياريت لي لازم يسمع هذا الكلام يسمعوا ضاع منا الكثير
موفقة حببتي 🤍
محتوى راقي....جزاك الله خيرا و نفع بنا و بك الامة
هااا الهدرة الزينة❤️🙏🏻
تحليل جد جد عميق و محتوى فيه جهد و تعب و أبحاث في علم الاجتماع و التاريخ و خاصة في ديننا الاسلام .بارك الله فيك نورك الله جزاك الله كل خير يا ريت هذا الكلام يسمعه اكبر عدد من الناس الرجال و النساء .تغيير فكر المجتمع الذي تبنى افكار غرب منذ عقود لازملو وقت و صبر و خاصة قادة و دعاة حقيقين و على حق مثلك اختي لإرجاعه الى الصواب و الى ما أمرنا الله تعالى به ربي يقدرك و يقدرنا اختي العزيزة ❤❤❤👏👏👏👏👏👏
T3lmt bzzzf swl7 ml3ndk reby yjaziiik 💕💕💕💕💕
الله يبارك وربي يحفظك هذا المحتوى الصحيح للازم كل مرأة تبعوا وتسمعوا الوحيدة لتهدر على دور المرأة الحقيقي في المجتمع والدين وكلنا رانا عارفينوا و تهاونا عليه و انا غافلين و في غيبوبة لازم نفطنوا ونكونوا واعيين باه نخلوا دور الراجل يأديه 🎉 مزيد من التألق والنجاح ❤
الصراحة كلامك جداااا رائع ولانو طالع من القلب عن نفسي لامسني كثييييراااا فالله ينورك حبيبتي ويزبدك من فضلو..والله ثم والله نفس التفكير الذي اتبناه واصارع من اجل الثبات عليه وبكل قوة، كيف لا ونحن في بيئه ملوثة فكريا وبدون قصد كوننا تبرمجنا وبكل وبدون عمد ضنا منا انه الحب في ابهى حلة وهنا منلوم حتى واحد لانو كلنا ضحايا وبدون استثناء..عن نفسي اتطلع الشي إلى خلق واقع جديد يتناسب معانا حنا كبشر كرمنا الله عن طريق اعادة برمجة العقلية على الفطرة السليمة بدليل اننا لما خرجنا على دستور الله ضربونا لحيوط ونبقاو هكذا اذا مقلناش stop ونخدمو مخنا الي صرالو سنييين حابس وميخدمش..بحيث نوظفوه في كللل كبيرة وصغيرة باش على الاقل الجيل القادم يكون جيل سليم ومعافى فكريا..فالاعاقة ليست جسدية صدقوني وانما نحن الاصل معاقين فكريا وللاسف لا ندري وتلك هي المعضلة فاعاقة الفروع من بعدنا ماهي الا تحصيل حاصل..كلام بزاااف يراود فكري الان باش نقولو لكن الوقت يطول المهم الي حبيت نقولو برافوووو عليك حبيبتي على هذي الالتفاتة الاكثثثر من رائعه وانا عن نفسي نقلك ياسعدك على الاقل راكي تحاولي تكوني طرف مساعد لحل الازمة وان كان بكلمة..ربي يوفقك وان شاء الله بينا يصرى التغيير..بالمناسبة لدرك مزال مراحش الحال والعمر او لظروف القاهرة عمرها ماكانت عائق وإنما العائق الكبير هو شلل الارادة هذاك صح كيفاش راح نعزيو صاحبو فيه..والحديث قياس..شكرااا للمرة الالف.❤
❤
❤👌
❤❤❤
❤❤❤❤
من فضلك حاولي تحطي لبودكاست في منصة ثمانية
❤❤❤❤❤❤❤
❤❤
❤❤❤❤❤
و كاين فرق بين ماهو مفروض وبين الواقع. شوفي فقط فالميراث اذا الرجال كي يدو ضعف المرأه يصرف عليها ولا يقولها صايي ديتي حقك.
سلام عليكم اختى من فضلك اهدريلنا على الغلاء. والشهرية الى ولات متكفيش. وكيف نعيش بالتقلبل في الكماليات والاولويات. و المشاريع الناجحة في المستقبل من البيت
حكيت في حلقة الذكاء المالي
شكرا على الرد
سبحان الله موضوع ف القمة و جا ف وقتو و مع العلم انا دخلت ف هاد الدوامة لانو تخليني عن منصب عملي و ربيت ولادي محبيتش و كامل لاه خليتي خدمتك و الاولاد يكبرو و ينساو لكن انا العكس رفضت لاني كما قلتي منقدرش ندير واش يروجو ليه الغرب و اتباعهم
❤❤❤👏👏👏👏
أتمني أتمني ان كل النساء خاصة الشابة امر عل هذا الفيديو .والله لخصتم حياة المراة الحقيقي كما ينبغي .انا شخصيا درست في الجامعة .j étais toujours bonne.عندما تزوجت اصبحت عبد باتم الكلمةوانا الان عمري اكثر من 50سنة الان نخدم ؛ نقضي ؛ اتحمل مسءولية الاولاد ؛نقريهم نصرف عليهم ومكانش عندي حل اخر.وعمري ما نطالع كتب ؛ ما نعيط الاقارب ما نروح عندهم دايما ما عنديش وقت.اتمني هذا الفيديو يغيرني الاول.
الله يحفظك ❤️
موضوع حساس وجا في وقتو ❤ انا وحدة من الناس لي تخليت على عملي وفضات نربي اطفالي وندير مشروع الحلاقة بعد مايكبرو شوية ويكونو دائما قدام عيني ربي يوفقنا ويحفظ أولادنا ولا يرينا مكروه فالاب هو المعيل والحمد لله لكن في المقابل مع الأسف الرجال تخلاو على القوامة والوقت لي رانا فيه يد وحدة ما تسفق ربي يكون معانا وخلاص
من فضلك اختي معليش تمديلي نصائح كيفاش والدتك حفظها الله خدامة و نتي قريتي على اساس تخدمي لكن الآن مراكيش تخدمي يعني راني متقبلة هدرتك كامل و متيقنة بلي عندك الحق فكلامك لكن والدتي محبتش تقتنعلي بلي ماشي كي قريت لازم بالضرورة نخدم و تجبرني على البحث عن العمل مشكلتي قريت تخصص معمر إختلاط حتى كملت باش عرفت الحكم الله المستعان نتمنى منك تفيديني و تعطيني نصائح و ربي يفتح عليك دنيا و آخرة
حبيبتي عادي ماشي لازم عليها تتقبل كل واحد رايو المهم ما عصيتيها ما عصيتي ربي
شكرا جزيلا لك على المحتوى،لكن لا اتفق معك في شيء ،كي اتقولي ضخمنا مهنه الطبيب أو المحامي ،وكل المهن كيف كيف!!!!ابالنسبه لي الكثير من الناس ولا عندها عقدة من الطبيب ،كل مثال أو مقارنه لازم يدخل فيها الطبيب وكأنه رجع عقدة نقص!!!!الطرح ليس هكذا ،الصواب هو أنه التفاضل يأتي بالخدمة التي نقدمها للمجتمع وليس بعدد المتابعين في الانستغرام، مع التنويه أنه كل المهن مهمه ما دامت نافعه، وكلنا لادم وادم من تراب
و كاين نساء لم يكتب لهن الزواج ،و ليس لديهن من ينفق عليهن فمذا تفعل حسب رايك
"وَمَا مِن دَآبَّةٍۢ فِى ٱلْأَرْضِ إِلَّا عَلَى ٱللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۚ كُلٌّ فِى كِتَٰبٍۢ مُّبِينٍۢ"
ولي ماقرات ما ولدت واش دير تموت 😢
لالا اختي متموتش ربي خلقنا لعبادته دير في حياتها هدف أسمى وهو العبادات حفظ القرآن فعل الخير....
بارك الله فيك لكن مدابيك تهضري بالعربية الفصحى
ما نعرفش 🙂
علاه غلقتي انستقرام تاعك ؟!
انا سمحت في خدمتى على جال ولادى لننى اخترت ان اربي ابنائي وكون سعيدة مع زوجى وبيتى وجدت ان عملى سيضيع اولادى وعلاقتى الصحية مع زوجى فعلمت ان من واجبي ان اكون زوجة سعيدة تربي ابنائها في في سلام نفسي مادام زوحى يقوم بالواجب على اكمل وجه وجدت اننى ان عملت ساهمل اولادى ساعتها لن ينفعنى المال الدى جعلنى اضحي باولادى من اجله😊😊 لم اندم على دلك اطلاقا لاننى نجحت مع ابنائي 🎉🎉
من فضلك قولينا كيفاش نقدرو نطلعو هاد الفيديو باش يشوفوها بزاف. حاجات زيادة على partage
جزاك الله خيرا. التفاعل و المشاركة في المجموعات و الصفحات لي فيها تفاعل كبير
بودكاست هايل ياريت يسمعوه كامل الرجال ولنساء نتاع الدنيا. تعيشي ممكن تنصحيني بعناوين لكتب ليخلوني نعرف حقوقي واجباتي. الخ يكونو في الموضوع لي هدرتي عليه مي مايكونوش نتاع تنمية بشرية يكونو دينية اكثر
كاين سلسلة المرأة للدكتور اياد قنيبي ، كاين تسنيم راجح مام هيا تحكي فهاذو المواضيع
عندي سؤال الراجل اللي ما يلحقش لضروريات هل للمرا الا عاوناتو تدخل تحت التصنيفات اللي قلتي عليها؟
ليست مجبرة
عندي مشكله معكم انتم الي اخذته دور توعيه المرأه انكم حطيتوها فقالب واحد لي هو الام كانه انوثتك و دورك يتلخص في كونك ام اذا ماتحققش هذا الشيء راكي منعدمه القيمة
راني مبرمجة حلقة هذا الشهر بإذن الله نحكو فيها على كيفية حلّ المشكلات ❤️❤️
هذا هو الروتين لي يصرا لمعظم النساء أنو تتزوج وتكون أم ، لكن الزواج ؤاهو رزق من عند ربي والأولاد ثاني وقادر ربي ميرزقهاش زوج وميرزقهاش اولاد ايضا ، معناها راح يكون دورها انو راهية إبنة ، أخت ، حفيدة ، المهم راهي أنثى عندها أسرة هنا ندسرو الاسقاط على الاسرة لي راهي فيها مع والديها خاوتها ..الخ
الفيديو جا في وقتو سبحان الله انا استاذة زيدت في أكتوبر لي فات قعدت نحط فلي مالادي على جال بنتي صغيرة خلص العام وكان لازم نخير كفاش ندير العام الجاي نحط عام بدون راتب ولا نحطها عند كاش وحدة ونخدم كاين لي قالولي فطميها وهي مامبا ماتكملش عام . قلبي ماعطانيش نخليها مازالها صغيرة وتحتاجني وتحتاج حليبي و الفيديو ديالك كان رسالة من عند ربي سبحانو أكدلي بلي قراري صحيح.بنتي أهم من الخدمة و الدراهم .مشكورة جزاكي الله عنا ألف خير @@e.ddaryt
الشيء لي هدرتيه كامل صحيح و لكن الزمن تغير و مانقدروش نمشيو على اساس تقدري ماتخدميش و يصرف عليك باباك ولا راجلك ولا ولدك علاه؟ لأنو نسبة كبيييييرة حتى لا أقول الكل تجردو من واجباتهم مايحبوش يصرفو و المرأة ضيع و تولي هي الضحية و لي يصرف مش راح يقدر يوفر كلش مع زمن الغلاء لهذا أصبح عمل المرأة ضروري تعاون رحها وقتنا صعيب حبينا ولا كرهنا خاصة لي حابة عيشة مليحة لازم تقفض على درعيها
و لي طاحت في اب او زوج لباس بيه و كريم ممكن ماتخدمش و تعيش الاز لكن نظن فئة قليلة
و الله أعلم
على كل حال الله المستعان
تابعي القناة. الجواب بعد اسبوعين ان شاءالله
❤❤❤❤
❤❤❤❤❤❤❤
❤❤
سبحان الله موضوع ف القمة و جا ف وقتو و مع العلم انا دخلت ف هاد الدوامة لانو تخليني عن منصب عملي و ربيت ولادي محبيتش و كامل لاه خليتي خدمتك و الاولاد يكبرو و ينساو لكن انا العكس رفضت لاني كما قلتي منقدرش ندير واش يروجو ليه الغرب و اتباعهم
اكبر كذبة يكذبها الانسان على روحو هذي تع الاولاد يكبرو و ينساو ... تحية و احترام كبير ليك عزيزتي❤