الأقدار كتبت / مهند الغالي

الأقدار كتبت
ولفراگ انخط
ومدري شعاف روحي
ومدري بيه شحط
وبقه رف ذكريات
اليوم بي تقويم
كل لحظه بدمع
بلبال تتسفط
يتيه بديرة الخنگه
البلايه متاع
يمج طعم الهوى
لبلايه عطرك عط
من رخصة عيونك
وجهي بيهن وين
شَمُر لحجاره
فوگ الماي يتخربط
گطعت شوطهه
والفكره بالمركاض
ما تلزم بعد
للجامحه المربط
مشيت ومن مشيت
الروحه كون بخير
وماتعني بعد
مو مهم ياهو انحط
اليمر علسطر هامش
زحمه تبدي راس
انكتب بعد النهايه
والخِتَم نقّط
مهنــ علاوي الغالے ــــــد