R. LALCHUNGNUNGA CHANCHIN TLANGPUI
R. Lalchungnunga hi Pu Vanrammawia(L) leh Pi F.Lalrimawii te fapa upa ber ni turin 20th October 1990 khan a lo piang a, pianpui unau pahnih a nei a ni. A pianpui unaute chu:
1. R.Vanlalchhuanga H/o Joy Hlimnaropuii
2. Samuel Lalrinchhana (L)
Kum 2015, January thla khan Zodinpuii(Tetei) nen Kohhran Dan Thianghlima inneiin, fapa pakhat R. Vanlalchhanchhuaha an nei a, a boral lai hian an nu hi nau nei turin Aizawl lamah a awm mek a ni.
Zirna leh Zirlai pawl lam :
R.Lalchungnunga hi Govt. Kolasib College atangin kum 2013 khan a Graduate a. College a rah phat atanga Student Union hruaitu ni nghal thei a ni. First Year a nih kum hian Megazine Editor a ni a, Second Year a nihin General Secretary a ni a, Final Year ah Vice President a ni bawk. Tin, Zirlai pawl Mizo Student Union lamah inhmang zui nghalin kum 2013-2014 khan Kolasib MSU ah President a ni nghe nghe a ni.
Eizawnna:
Kum 2013 kum tir khan Zirlai a nih lai leh Kohhran lama a tuina ni reng thin, Chanchinbu enkawl lamah a lut nghal a. Kolasib tualchhung chanchinbu ‘Kolasib Aw'ah Joint Editor niin
eizawnna bul a tan a ni. Kum 2016 khan Mizoram Journalist Association member atan lakluh a ni. Kum 2018 khan Kolasib tualchhung Chanchinbu tho Turnipui Editor niin a hnathawhna a sawn a, amaherawhchu, rokhawlhna hrang hrang avangin Turnipui
Chanchinbu hi chhuah chhunzawm mumal theihte a han ni ta lo va, Working Journalist a nih tak lohvah chuan MSA member a
nihna pawh a chawlhsan zui ve ta nghal a ni.
Kumin 2021 hian Chanchinbu lamah bawk lut lehin a lo thawh hmasak ber tawhna Kolasib Aw'ah hun engemaw chen a thawk zui leh a ni. Mizoram Journalist Association member a nih chhung hian Kolasib District MSA General secretary te pawh a ni hman a ni.
Rawngbawlna lam :
Chunga hi naupan tet atanga thuawih, Sunday School ah pawh naupang tanglawn chunglam a ni a. Kum 2000 kum atang khan kum la naupang tak ni chungin Diakkawn Corps Brass Band-ah a tel tan a. SAY lama inhmang rual a nih atangin Chanchinbu lam enkawltu kumhlun a ni nghal bawk. Brigade hruaitu chanvo te chelhin Diakkawn Corps SAY Council memberah te a awm nghal thuai a. Rawngbawlnaa tui tak mai niin kum 20 a pel awrh tihin kum 2009 khan Diakkawn Corps SAY Secretary chanvo pawimawh tak a chelh nghal thei a ni. SAY Secretary nihna hi kum 2011, a term tawp thleng khan a chelh a, kum 2012 ah SAY Assistant Leader niin kum 2013 khan Leader a ni bawk. Diakkawn Corps in Golden Jubilee a lawm khan Souviner Editor a ni a. Heng bakah hian chanvo hrang hrang, pawimawh tak tak chelh a nei nual bawk a ni. Corps tana rawngbawlna a kalpui bakah hian Western Division SAY O.B te lo ni tawhin, Division Songster lamah pawh hun rei tak, member tangkai tak niin a tel bawk a ni.
A nat dan :
Pum lam tha lo neuh neuh avangin Damdawiina han awm leh ren rawn thin hi a nei nual a, Damdawiin bakah in lama pum lam leh thin lam tha lo vanga a inenkawl ve fo hnuah ni 25 December 2021 zing lam khan a pum a sawisel deuh a. Chawhnu dar 1:00 vel khan Casualty panpui niin an lo admit a ni. A zia
chhoh mai beisei a nih lajin zantir lam khan Doctor ten Aizawl lam pan turin an rawn a, hmun pui lam pan tura an inbuatsaih mek
lajin zan dar 8:10 khan Ropuina ramah min lo kaisan san ta a ni.
Lawmthu sawina :
R.Lalchungnunga boral chungchangah a enkawltu Damdawiin lama thawktu te, thenawm khawveng te, YMA te, Kohhran lama rawngbawlpuite leh thenrual thatena in mi buaipuina zawng zawngah chhungkhat lainate chuan lawmthu kan sawi mawlh mawlh a ni e.