Մի շենքում երկու քույրեր էին ապրում, որոնց միշտ տեսնում էին ուրախ խաղալիս, որովհետև նրանք միշտ հաշտ էին իրար հետ: Նրանց գրքերն ու խաղալիքներն ընդհանուր էին, բայց նրանք երբեք չէին վիճում, չէին լսվում բարկացկոտ խոսքեր, չէին երևում թշնամական հայացքներ: Նրանք դրսում, թե տանը խաղալիս, մայրիկին ինչ-որ բանով օգնելիս միշտ լավ տրամադրություն ունեին:
- Ինձ թվում է, որ դուք երբեք չեք բարկանում, - ասացի ես մի անգամ: - Ինչի՞ց է, որ միշտ գոհ եք միմյանցից:
Նրանք նայեցին ինձ, և նրանցից ավագը պատասխանեց. «Դա նրանից է, որ մենք ամեն ինչում զիջում ենք միմյանց»:
Ես մի պահ մտածեցի: Այո՛, արդարացի է. դու զիջում ես նրան, նա՝ քեզ: Այդ փոքրիկ, բարի քույրիկները բացահայտել են հանգիստ և ուրախ կյանքի գաղտնիքը: Նրանք միշտ զիջում են միմյանց՝ ջանալով հաճելի բաներ անել մեկմեկու: Նրանք բարի են, զիջող, պարզասիրտ են. ինքնահավան չեն և միշտ պատրաստ են օգնել միմյանց: Հիմա հասկանալի է, թե ինչու են նրանք այդքան երջանիկ: Այդ պատճառով էլ բոլորը սիրում են նրանց:
Հետևեք մեզ⬇️
⏩️Facebook: temtv.aht
⏩️Instagram: temtv
⏩️TikTok: www.tiktok.com/@temtv_aht
⏩️Telegram: t.me/AraratyanTemTV
#ԹեմTVTemTV​​​ #Առականի #Գաղտնիք #Կիրակնօրյադպրոց
©ԹեմTV/TemTV (Արարատյան Հայրապետական Թեմ)