#NewKonkaniComedySongs#KonakaniPoliticalSongs#NewKonkaniSongs#KonkaniLoveSongs#KonkaniComedy#CajieDCosta#ShashaDeNerul#GoaNews#FrancisDeTuem#WilliamDeCurtorim#TrioKings#GoaFlies#Elainepinto#LSelections#Goapolitics#GoaNews.
2024 PAUSACHEA SEASON-ANTLEA TIATRANCHE MATHALLE (VO NANVAM?) GHEUN OXENCH BOROUNCHEM ANI VOICE CLIP KORCHEM DISLEM
Hanv sangunk sodta ti 𝐌𝐇𝐎𝐉𝐄𝐀 𝐉𝐈𝐕𝐈𝐓𝐀𝐂𝐇𝐈 𝐊𝐀𝐍𝐍𝐈. Mhojem bhurgeponn khuxalkayen jiyetalom ani modlem xikop kortalom tednam, eka Aitarak Moddganv Gomantak Vidya Neketan Vosreant hanv tiatr polletanam tum mhojie nodrek poddlem ani amurkench hansunk laglem. Tiatr kabar zatoch tum bhair mhaka porot mell’llem, ani amchi bhett zaun ami ulounk laglim. Dogainchim nanvam, pot’to sogllem sangun, dusrea Aitarak porot teach zagear mellchim mhonn ami ghora portolim. (Tea tempar mobail fon nasle). Dusrea Aitarak, sokallchea 10:30 horanchea tiatrak dogaimni sangatak ‘ticket’ kaddun ektthaim boslim. Tiatrachi mogachi ‘scene garden’-ant macheir choltali tednam tunvem mhojea hatak dhorlo, ani tiatr kabar zaumsor tunvem mhojea hatachem soddunk nam. Amcho xezari tiatrak aslo dista, mhaka khobor nasli. Tiatr somptoch ami jevonk khannavollint gelim ani uprant ghora portolim. Hanv ghora pavtoch, mhojea sangata tiatrak aslem tem cheddum konn, oxi mhoji 𝐆𝐑𝐀𝐍𝐃𝐌𝐀 mhaka prosn korunk lagli. Mhaka fott marpachi sovoim nam mhonntoch, hanvem tika soroll zabab diun tea cheddvachi istor sangli. ‘Baba Tum atam vaddon vhodd zalai, kitem korta tem chintun kor, faleam lokan mhonnlolem naka ki 𝐌𝐀𝐈𝐌𝐂𝐇𝐄𝐌 𝐊𝐎𝐑𝐔𝐍 𝐆𝐇𝐎𝐓’𝐓𝐎𝐍 𝐒𝐀𝐒𝐔𝐌𝐀𝐈𝐊 𝐊𝐇𝐀𝐕𝐎𝐈𝐓𝐀 𝐌𝐔𝐓𝐓𝐎𝐍, oxi ti udgarli. Amchi bhett att disank ek pavttim zatali ti dor disa zaunk lagli, ani amcho mog disan-dis vaddot ravlo. Punn mhojie xamãychim utrram mhojea monant sodanch ghunvtalim. Amchea mogachio khobro kednam-i godd zalear kednam-i ambott zatalio, tednam mhaka 𝐒𝐎𝐍𝐕𝐒𝐀𝐑 𝐒𝐎𝐑𝐆 𝐈𝐅𝐄𝐑𝐍 koxem distalem. Amchea mogachi khobor sogllea ganvant ximpoddli ani mhoje borem magpi asat te mhaka porxim yevn sangunk lagle, ‘tum gheun bhonvta tem cheddum ek 𝐆𝐈𝐑𝐆𝐈𝐑𝐄𝐌. Hanv chintnamni ghuspolom ani dusrie bhette vellar mhojie vhoklek hanvem prosn kelo - ‘tuzo konn-ui novro aslo vo asa?’ ‘Hanv tuka visvas-ghat kortelim oxem tuka dista? 𝐏𝐀𝐑𝐕𝐄𝐀𝐂𝐇𝐄𝐌 𝐑𝐎𝐆𝐎𝐓 𝐃𝐇𝐎𝐕𝐄𝐌 𝐀𝐍𝐈 𝐊𝐀𝐍𝐕𝐋𝐋𝐄𝐀𝐂𝐇𝐄 𝐑𝐎𝐆𝐎𝐓 𝐊𝐀𝐋𝐋𝐄𝐌? Hanv tuzo kallzant thaun mog kortam,’ tinnem mhaka zabab dilo. Tichea zababan hanv khuxal zaunk nam. Tednam san amchea mogacher dubavachim kirnnam upraslim. Hanv mhojie vhoklechi choukoxi korunk laglom. Mhojea eka visvaxi mauxie-bhavak, zaka hanv mhojea kallzantlem ghutt sangtalom, taka mhojie vhokle vixim mhoje dubav sangun, tache udexim hanvem tea cheddvacho zayto ‘history,’ ‘geography’ kaddlo. Punn hanv mhojie vhokle vixim kitem chint’tam, uloytam ani korunk yevjitam tem tannem vochun mhojie vhoklek sangtoch, ani tinnem mhaka te vixim prosn kortoch, 𝐆𝐇𝐎𝐑𝐂𝐇𝐎 𝐁𝐄𝐃𝐈 𝐁𝐇𝐀𝐈𝐋𝐎 𝐂𝐇𝐎𝐑 konn to kollon ailo. Tokli bejar zali, Hanv ghorant chintest ani duki asam tem polleun, ‘baba bhiyenakai, devak zay tem zatolem’ mhonn 𝐌𝐇𝐎𝐙𝐎 𝐃𝐀𝐃𝐃𝐘 mhaka ghottay ditalo. Hanvem mhoje vhoklek kednach kainch unnem korunk naslem, mhojea lagim ghoddta te porim hanv tika khuxal dovrunk vavurtalom. Mhoje khubxe laginche ixtt mhaka tea cheddvachi vatt sodd 𝐆𝐇𝐄𝐑’𝐑𝐀𝐊 𝐍𝐇𝐎𝐈 𝐕𝐎𝐑’𝐑𝐀𝐊 𝐌𝐄𝐋𝐎 mhonn sangun mhaka ddailokam martale. Osoch ek dis hanv Moddganvchea bazarant vetalom tednam, mhoji vhokol, ‘municipality’-chea ‘garden’-ant dusrea cheddeachea gopant asloli hanvem khas dolleamni pollelem, ani hanv sarkoch thottaklom. Torui kallji gheun hanv tanchexim gelo ani taka vicharlem - ‘ho tujea gopant asa to cheddo konn?’ Tinnem zap diun sanglem my 𝐒𝐔𝐏𝐄𝐑𝐒𝐓𝐀𝐑 and 𝐈 𝐀𝐌 𝐒𝐎𝐑𝐑𝐘 for you!’ Tichim him utram aikun mhojem kalliz futton kallzache tiran tir zale, ani tem mhozo mog kortalo to 𝐃𝐔𝐏𝐋𝐈𝐂𝐀𝐓𝐄 mog mhonn kollon ailem. Ami mogan asleanv tednam, hanvem taka fogot ekuch kiss dilolo to ‘first’ ani 𝐋𝐀𝐒𝐓 𝐊𝐈𝐒𝐒 zayt mhonn hanvem sopnant porian chintunk naslem. Mhojem mon ani ontoskorn’ saf aslem mhonn Devan mhaka saddunk nam. Hanvem 𝐃𝐔𝐊𝐇𝐀𝐍𝐓𝐋𝐄𝐀𝐍 𝐒𝐔𝐊𝐇𝐀𝐂𝐇𝐈𝐌 𝐌𝐎𝐓𝐈𝐀𝐌 pollelim, ani mhaka soirik yetoch hanv kazar zalom ani bail-bhurgeanchea sangata khuxal jiyeunk laglom. Tujea gopant aslolea cheddean, ani uprant anik teg novreamni tuka soddlam mhonn atam mhaka gomon ailam. Patkachem farikponn diunk atam tum Benaulim Livramentichim novenam korun 𝐒𝐀𝐈𝐁𝐈𝐍𝐍 𝐌𝐀𝐈𝐌 𝐂𝐇𝐔𝐊𝐋𝐈𝐌 𝐀𝐌𝐈 mhonn prathonam korta. Tuka kitlioch soiriko yetat, punn ailoli soirik moddta, 𝐊𝐎𝐍𝐍𝐀𝐂𝐇𝐄 𝐂𝐇𝐔𝐊𝐈𝐊 𝐋𝐀𝐆𝐎𝐍 hem oxem ghoddta? Dusreachea jivita ani bhavnam kodde kednanch khellum naka. Tuje poilinche soglle novre kazar zaun khuxalkayen aplem jivit sartat, punn tum azun-ui ghalunk pavonk nam tujea hatak 𝐊𝐀𝐙𝐀𝐑𝐀𝐂𝐇𝐎 𝐂𝐇𝐔𝐃𝐃𝐎.
𝐁𝐨𝐫𝐨𝐯𝐩𝐢 𝐚𝐧𝐢 𝐕𝐨𝐢𝐜𝐞: 𝐂𝐚𝐣𝐢𝐞 𝐃 𝐂𝐨𝐬𝐭𝐚
𝐏𝐥𝐚𝐜𝐞: 𝐂𝐮𝐫𝐭𝐨𝐫𝐢𝐦 / 𝐃𝐮𝐛𝐚𝐢
𝐃𝐚𝐭𝐞: 𝟐𝟐𝐧𝐝 𝐉𝐮𝐧𝐞 𝟐𝟎𝟐𝟒
cajiedcosta?mibextid=ZbWKwL
For Enquiries & Contact- cajiedcosta20@gmail.com
🅵🅾🅻🅻🅾🆆 🅼🅴 🅾🅽 🆂🅿🅾🆃🅸🅵🆈 open.spotify.com/album/50jN6c...
FOLLOW ME ON APPLE MUSIC: music.apple.com/us/search?term=cajie%20D%20Costa