Здружението на просветни работници на Град Скопје на ден 13.12.2021 год. ја одбележа 20 годишнината од своето постоење и 20 годишнината од постоењето на манифестацијата "Просветен работник на годината на Град Скпје" за учебната 2020/2021 год. со пригодна програма во Македонскиот Народен Театар. На почетокот пригодно обраќање имаше претседателката на здружението Катерина Митковска која истакна: Здружението на просветни работници на Град Скопје со своите активности е познато во јавноста веќе 20 години. Со оваа наша јубилејна манифестација "Просветен работник на годината на Град Скпје" сакаме да изразиме благодарност и внимание кон просветните работници на територијата на градот Скопје за нивната посветеност и вложен труд во професијата кој заслужува да биде вреднуван. Во ова време на пандемија, брзите општествени предизвици го опфатија и образовниот процес каде просветните работници доследно одговорија на истите и се прилагодија на сите потешкотии се со цел поквалитетно и посовремено образование. Ако за просветниот работник, ученикот е во центарот на вниманието, тогаш центар на вниманието на општеството заслужуваат да бидат просветните работници од кои зависи успешноста на сите останати професии и области во тоа општество. Уште во најстарите времиња се придавало огромно значение на занаетот - учител. Ако според Џон лок детето кога ќе се роди е како "tabula rasa" празен лист хартија, тогаш учителот со своето знаење и умешност е тој кој влијае во испишувањето на тој празен лист и изградувањето на личноста на детето.
Им честитаме на колегите добитници на наградата "Просветен работник на годината на Град Скпје" за учебната 2020/2021 год. и им посакуваме и понатаму успешна работа и личен напредок. Тоа се:
1. Виолета Петковска, воспитувач во ЈУДГ "Детска Радост", Општина Гази Баба
2. Валентина Ангелковска, одделенски наставник во ОУ "11 Октомври", Општина Центар
3. Анкица Спасова, предметен наставник во ОУ "Тихомир Милошевски", Општина Ѓорче Петров
4. Емануела Есмерова, наставник по стручни предмети во СЕПУГС "Васил Антевски - Дрен", Општина Кисела Вода
5. Стојанка Коцева, дипломиран дефектолог, вработена во ЈУ "Завод за рехабилитација на деца и младинци", Општина Бутел, во категоријата - Училишни центри и заводи за образование и рехабилитација на деца и младинци.
6. Крсте Велески, професор по педагогија, доби признание за особен придонес во домската педагогија во категоријата Ученички домови.
Во оваа пригода претседателката на здружението Катерина Митковска додели Признание за почесен претседател на здружението на проф. Раско Лозаноски. Истиот е пензиониран просветен работник, професор по македонски јазик и литература, основач на здружрнието и на два пати последователно негов претседател. Беа доделени и благодарници за истакнатите членови на здружението кои дадоа свој придинес во реализирањето на манифестацијата. Тоа се следните колеги:
1. Раде Илиевски
2. Олгица Бајалџева
3. Светлана Јосифоска
4. Јадранка Клисарова
5. Фатиме Алии
6. Христина А. Борисовска
7. Валентина Трајкоска
8. Софка Коцева
Изразуваме и голема благодарност до нашите традиционални пријатели и соработници, издавачката куќа "Просветно Дело" кои секогаш се со нас и даваат огромна поддршка на просветните работници како и во реализацијата на разни манифестации и др. пригоди. Благодарност до Генералниот директор м-р. Павле Петров, директорката Весна Дукоска и одговорниот уредник Ана Иванова која беше и модератор на настанот. Манифестацијата ја збогатија со своите маестрални изведби учениците од МБУЦ "Илија Николовски- Луј" со нивните ментори Маја Митровска Богојевска, Наташа Стојановска и директорката м-р Даница Стојанова. Прекрасен настап имаа и учениците од ОУ "Партенија Зографски" од Општина Кисела Вода со своите ментори, наставничката Весна Тодоровска-Унковска и директор Мартин Мартиновски. Незаборавен настап имаше и ученичката Нина Ламева од ОУ „Браќа Миладиновци“ од Општина Аеродром.
Благодарност за присуството и поддршката од:
- Град Скопје, градоначалничката г-ѓа Данела Арсовска која на добитниците им додели плакети.
- Претседателот на Советот на Град Скопје г- дин Трајко Славевеки
- Секторот за образование при Град Скопје
- Амбасадата на Република Србија со нејзината екселенција г-ѓа Невена Јовановиќ
- Амбасадата на Република Босна и Херцеговина со неговата екселенција г-дин. Драган Јаќимовиќ
- Делегацијата на Европката Унија со претставник г-дин Стефен Худолин
- Фондација "Никола Кљусев"
- Сојузот на учители на република Србија
- Ликовниот уметник Живко Поповски - Цветин
- Писателот Горјан Петревски
- Македонскиот Народен Театар со директорката Симона Угриновска, како и целата екипа за безпрекорниот професионализам
- Фармацевската компанија Реплек фарм