ಶಿರಸಿ : ಜೀವನ ಬೋಗವಿಲಾಸಕ್ಕೆ ಸೀಮಿತವಾಗದೇ ಆದರ್ಶ, ಮೌಲ್ಯದೊಂದಿಗೆ ಬದುಕಿನಲ್ಲಿ ಮುನ್ನಡೆಯಬೇಕು ಎಂದು ಸೋಂದಾ ಸ್ವರ್ಣವಲ್ಲೀ ಶ್ರೀ ಗಂಗಾಧರೇಂದ್ರ ಸರಸ್ವತೀ ಸ್ವಾಮೀಜಿ ನುಡಿದರು.
ನಗರದಲ್ಲಿ ಶನಿವಾರ ಸಂಜೆ ನಡೆದ 21ನೇ ವರ್ಷದ ಯುಗಾದಿ ಉತ್ಸವ ಹಾಗೂ ಶೋಭಾಯಾತ್ರೆಗೆ ಚಾಲನೆ ನೀಡಿ ಅವರು ಆಶೀರ್ವಚನ ನೀಡಿದರು. ಮಧ್ಯರಾತ್ರಿ ವಿಕೃತಿ ತಡೆಗೆ ಹೊಸ ವರ್ಷ ಆಚರಣೆಯು ಯುಗಾದಿ ದಿನವೇ ಆಗಬೇಕು. ಸಂಸ್ಕೃತಿಯ ಪ್ರತೀಕವಾಗಿ ಯುಗಾದಿ ಉತ್ಸವ, ಶೋಭಾಯಾತ್ರೆ ನಡೆಸುವ ಮೂಲಕ ದೇಶಿಯ ಸಂಸ್ಕೃತಿ ಸಂರಕ್ಷ ಣೆ ಮಾಡಬೇಕು ಎಂದರು.
ಭಗವದ್ಗೀತಾ ಪಠಣವು ಉತ್ಸವದಲ್ಲಿ ಹೇಳಬೇಕು. ಬೇರೆ ಧರ್ಮದವರು ಹಬ್ಬಗಳಲ್ಲಿ ಧರ್ಮಗ್ರಂಥ ಓದುತ್ತಾರೆ. ನಮ್ಮ ಹಿಂದೂಗಳಲ್ಲಿ ಧರ್ಮಗ್ರಂಥ ಓದುವ ಪದ್ದತಿ ಬರಬೇಕು. ವರ್ಷದಿಂದ ವರ್ಷಕ್ಕೆ ಉತ್ಸವ ಇನ್ನಷ್ಟು ವೈಭವದಿಂದ ಆಗಬೇಕು ಎಂದು ಶ್ರೀಗಳು ಆಶಿಸಿದರು.
ಬಣ್ಣದಮಠದ ಶ್ರೀ ಶಿವಲಿಂಗ ಸ್ವಾಮೀಜಿ ಮಾತನಾಡಿ, ಪಾಶ್ಚಿಮಾತ್ಯ ಅನುಕರಣೆಯಿಂದ ದೇಶಕ್ಕೆ ಆಪತ್ತು, ಸಮಸ್ಯೆ ಹೆಚ್ಚಿದೆ. ಇಂದಿನ ಶಿಕ್ಷ ಣವು ಸಂಸ್ಕೃತಿಯ ವಿನಾಶಕವಾಗಿದೆ. ನೀತಿಯಿಲ್ಲದ ಶಿಕ್ಷ ಣ, ಭೀತಿಯಿಲ್ಲದ ಶಾಸನ, ಆಚಾರವಿಲ್ಲದ ಧರ್ಮವೂ ದೇಶಕ್ಕೆ ಅಪಾಯವಾಗುತ್ತದೆ ಎಂದರು.
ಭಾರತೀಯ ಸಂಸ್ಕೃತಿಯ ಉಡುಗೆ ತೊಡುಗೆಗಳು ನಮ್ಮ ಆರೋಗ್ಯ ವರ್ಧನೆ ಮಾಡುತ್ತದೆ. ವಿದೇಶಿ ಶಿಕ್ಷ ಣ ಕಲಿತ ಮಕ್ಕಳು ಅಪ್ಪ, ಅಮ್ಮನನ್ನು ಪರದೇಶಿ ಮಾಡಿ ತಾವು ವಿದೇಶಕ್ಕೆ ಹೋಗುತ್ತಿದ್ದಾರೆ. ದೇಶಿಯ ಸಂಸ್ಕೃತಿ ನೀಡುವ ಶಾಲೆಗಳೇ ಅಪರೂಪವಾಗಿದೆ. ಡಿ.31ರಂದು ಮಧ್ಯರಾತ್ರಿ ಹೊಸ ವರ್ಷ ಆಗದೇ ಯುಗಾದಿಯೇ ಹೊಸ ವರ್ಷವಾಗಬೇಕು ಎಂದರು. ಯುಗಾದಿ ಉತ್ಸವ ಸಮಿತಿ ಅಧ್ಯಕ್ಷ ಕೃಷ್ಣ ಕೊಡಿಯಾ ಮಾತನಾಡಿ, ನಾವೆಲ್ಲ ಹಿಂದೂಗಳು ಒಂದಾಗಿ ಉತ್ಸವ ಆಚರಿಸಬೇಕು. ಹಿಂದೂಗಳ ಏಕತೆಯನ್ನು ಉತ್ಸವದ ಮೂಲಕ ತೋರಿಸಬೇಕು ಎಂದರು.
ಸಮಿತಿ ಗೌರವಾಧ್ಯಕ್ಷ ಉಪೇಂದ್ರ ಪೈ ಮಾತನಾಡಿ, ದೇಶದಲ್ಲೇ ಪ್ರಥಮವಾಗಿ ಯುಗಾದಿ ಶೋಭಾಯಾತ್ರೆಯು 21ವರ್ಷದ ಹಿಂದೆ ಆರಂಭವಾಗಿ ರಾಜ್ಯದ ಹಲವೆಡೆ ನಡೆಯುತ್ತಿದೆ. ದೇಶಕ್ಕೆ ಸಂಸ್ಕೃತಿಯ ಉತ್ಸವದ ಕೊಡುಗೆ ನೀಡಿದ್ದೇವೆ ಎಂದರು. ಸಮಿತಿ ಸಂಚಾಲಕ ಗೋಪಾಲ ದೇವಾಡಿಗ, ಉಪಾಧ್ಯಕ್ಷ ಮೋಹನ ಲಾಲಜಿ ಉಪಸ್ಥಿತರಿದ್ದರು. ಗಜಾನನ ಸಕಲಾತಿ ನಿರೂಪಿಸಿದರು.
50 000 -60,000 ಜನರು ಇರುವಂತಹ ಒಂದು ಪುಟ್ಟ ಪಟ್ಟಣ ಶಿರಸಿ ಇಂಥ ಒಂದು ಪಟ್ಟಣದಲ್ಲಿ ಸರಿಸುಮಾರು 25 ವರ್ಷಗಳ ಹಿಂದೆ ಒಟ್ಟಾಗಿ ಸೇರಿ ಹೊಸ ವರ್ಷವನ್ನು ವಿಜ್ರಂಬಣೆಯಿಂದ ಯಾಕೆ ಆಚರಿಸಬಾರದು ಎಂಬ ವಿಚಾರದೊಂದಿಗೆ ಒಂದು ಪುಟ್ಟ ಬೈಠಕ್ ಮಾಡಿದರು. ಸಾಮಾನ್ಯವಾಗಿ ಜನವರಿ 1 ಎಲ್ಲಾ ಊರುಗಳಲ್ಲಿ ಹೊಸವರ್ಷ ಆಚರಣೆ ಗುಂಡು, ತುಂಡುಗಳೊಂದಿಗೆ.. ಹಿರಿಯ ಶಾಸಪಾತ್ರ ಲೇಖಾಪಾಲರಾದ ಶ್ರೀ ಉದಯ ಸ್ವಾದಿಯವರ ಅಧ್ಯಕ್ಷತೆಯಲ್ಲಿ ಒಂದು ಯುಗಾದಿ ಉತ್ಸವ ಸಮಿತಿ ರಚಿಸಲಾಯಿತು. ಈ ಸಮಿತಿಯ ಬೆನ್ನಿಗೆ ಸ್ವರ್ಣವಲ್ಲಿ ಸ್ವಾಮಿಗಳು ಹಾಗೂ ಬಣ್ಣದ ಮಠ ಸ್ವಾಮಿಗಳ ಮಾರ್ಗದರ್ಶನ ಚಿಂತನ ಹಾಗೂ ಅವಶ್ಯಕ ಸೂಚನೆ.
ಯುಗಾದಿಯ ದಿನ ಶಿರಸಿ ನಗರದ ಶೋಭಾ ಯಾತ್ರೆ ತೆರಳುವ ಎಲ್ಲ ಮಾರ್ಗಗಳಲ್ಲಿ ಬರುವಂತಹ ಎಲ್ಲಾ ಮನೆಗಳ ಮುಂದೆ ನೀರು ಹಾಕಿ ರಂಗೋಲಿ ಹಾಕಿ ತೋರಣ ಕಟ್ಟಿ ಸಿಂಗರಿಸಲಾಗುತ್ತದೆ. ಪ್ರತಿ ಕಂಬಕ್ಕೂ ಹಿಂದೂ ಧರ್ಮದ ಸಂಕೇತವಾದಂತಹ ಕೇಸರಿ ಧ್ವಜ ಕಟ್ಟಲಾಗುತ್ತದೆ ಹಾಗೂ ವಿವಿಧ ಸಂಘ-ಸಂಸ್ಥೆಗಳು ವ್ಯಕ್ತಿಗಳು ಎಲ್ಲರಿಗೂ ಹೊಸ ವರ್ಷದ ಶುಭಾಶಯಗಳು ಕೋರುವ ಬ್ಯಾನರ್ಗಳು ರಾರಾಜಿಸುತ್ತವೆ. ನಿಗದಿಯಾದಂತಹ ಒಂದು ಸ್ಥಳದಿಂದ ಈ ಯಾತ್ರೆ ಪ್ರಾರಂಭವಾಗುತ್ತದೆ. ಅಂದರೆ ಯಾತ್ರೆಯಲ್ಲಿ ಹಲವು ಬಂಡಿಗಳು ಭಾಗವಹಿಸುತ್ತವೆ ಈ ಬಂಡಿಗಳಲ್ಲಿ ಪೌರಾಣಿಕ ಕಥೆ ಆಧಾರಿತ ಬಂಡಿಗಳು, ಪೌರಾಣಿಕ ಯಕ್ಷಗಾನದ ಪ್ರಸಂಗಗಳು, ದೇಶಭಕ್ತಿಯ ಸಂದೇಶ ಸಾರುವ ಬಂಡಿಗಳು ಪರಿಸರ ದ ಸಂದೇಶ ಇರುತ್ತವೆ ಅವುಗಳನ್ನ ನಗರಗಳ ಜನರು ಸ್ವಯಂ ಪ್ರೇರಿತರಾಗಿ ತಯಾರಿಸಿ ಶೋಭಾ ಯಾತ್ರೆ ಹೊರಡುವ ಸ್ಥಳಕ್ಕೆ ತರುತ್ತಾರೆ. ಅಲ್ಲಿಂದ ಎಲ್ಲವೂ ಒಂದರಿಂದ ಒಂದು ನಿಗದಿತ ಮಾರ್ಗದಲ್ಲಿ ಹೋಗಿ ಮಾರಿಗುಡಿ ದೇವಸ್ಥಾನದ ಎದುರು ಕೊನೆಗೊಳ್ಳುತ್ತದೆ.
ಮೆರವಣಿಗೆಯ ಉದ್ದಕ್ಕೂ ಶಿರಸಿಯ ಸಾವಿರಾರು ಜನರು ಪುರುಷ ಮಹಿಳೆಯರು ಮಕ್ಕಳು ಮೆರವಣಿಗೆಯಲ್ಲಿ ಭಾಗವಹಿಸುತ್ತಾರೆ. ಅವರವರ ಪಂಥದ ಬಣ್ಣ ಬಣ್ಣದ ವೇಶಭೂಷಗಳೊಂದಿಗೆ ಭಾಗವಹಿಸುತ್ತಾರೆ ಸಂಪೂರ್ಣ ಭಾರತವೇ ನಮ್ಮ ಶಿರಸಿಯ ಶೋಭಾ ಯಾತ್ರೆಯಲ್ಲಿ ಇದ್ದಂತೆ ಅಭಾಸವಾಗುತ್ತದೆ. ವಿವಿಧ ವಾದ್ಯ ಮೇಳಗಳು ಈ ಶೋಭಾ ಯಾತ್ರೆಯ ಮೆರಗನ್ನ ಇನ್ನು ಹೆಚ್ಚಿಸುತ್ತದೆ. ನಿಗದಿತ ಭಾಗಗಳಿಗೆ ಈ ಶೋಭಾಯಾತ್ರೆ ಬಂದಾಗ ಸ್ಥಳೀಯರು ಸ್ವಾಗತಿಸುವುದು ಒಂದು ಮಹತ್ವದ ಸಂಗತಿಯಾಗಿದೆ.
ಯುಗಾದಿ ಹಬ್ಬದ ಅಂಗವಾಗಿ ನಗರದಲ್ಲಿ ನಡೆದ ಶೋಭಾಯಾತ್ರೆಯಲ್ಲಿ ಜೈ ಸಂತೋಷಿಮಾ ಬಾಲವಾಡಿ ಮಕ್ಕಳ ರೂಪಕ, ಮರಾಠಿಕೊಪ್ಪ, ಬಣ್ಣದಮಠ, ರಾಘವೇಂದ್ರ ಸರ್ಕಲ್‌ ಸೇರಿದಂತೆ ನಗರದ ವಿವಿಧ ಭಾಗಗಳ 30ಕ್ಕೂ ಹೆಚ್ಚು ರೂಪಕಗಳು, ಡೊಳ್ಳು, ಇತರ ಕಲಾಪ್ರಾಕಾರಗಳು ಮೆರುಗು ಹೆಚ್ಚಿಸಿದವು. ಹೊಸಪೇಟೆ ರಸ್ತೆ, ದೇವಿಕೆರೆ, ಬಸ್‌ ನಿಲ್ದಾಣ, ಶಿವಾಜಿ ಚೌಕ ಹೀಗೆ ವಿವಿಧೆಡೆ ತೆರಳಿದರು. ರಾತ್ರಿ 11 ಸುಮಾರಿಗೆ ಮಾರಿಗುಡಿ ತಲುಪಿತು. ವಿವಿಧ ಸರ್ಕಲ್‌ಗಳಲ್ಲಿ ಸಾವಿರಾರು ಜನರು ನಿಂತು ಶೋಭಾಯಾತ್ರೆ ವೀಕ್ಷಿಸಿದರು. ಹೊಸಪೇಟೆ ರಸ್ತೆ ಸರ್ಕಲ್‌ ಬಳಿ ಸ್ವಾಮೀಜಿದ್ವಯರು ಶೋಭಾಯಾತ್ರೆಗೆ ಚಾಲನೆ ನೀಡಿದರು. ಶೋಭಾಯಾತ್ರೆಯಲ್ಲಿ ಸಂಸದ ಅನಂತಕುಮಾರ ಹೆಗಡೆ, ಶಾಸಕ ವಿಶ್ವೇಶ್ವರ ಹೆಗಡೆ, ಯುವ ಧುರೀಣ ಆನಂದ ಅಸ್ನೋಟಿಕರ್‌ ಪ್ರಮುಖರಾದ ಸೂರಜ ನಾಯ್ಕ ಸೋನಿ ಮುಂತಾದವರು ಹಾಜರಿದ್ದರು.
ಯುಗಾದಿಯ ದಿನ ಶಿರಸಿ ನಗರದ ಶೋಭಾ ಯಾತ್ರೆ ತೆರಳುವ ಎಲ್ಲ ಮಾರ್ಗಗಳಲ್ಲಿ ಬರುವಂತಹ ಎಲ್ಲಾ ಮನೆಗಳ ಮುಂದೆ ನೀರು ಹಾಕಿ ರಂಗೋಲಿ ಹಾಕಿ ತೋರಣ ಕಟ್ಟಿ ಸಿಂಗರಿಸಲಾಗುತ್ತದೆ.